წალენჯიხის მინიციპალიტეტის ადმინისტრაციული ერთეულებში მერის წარმომადგენლებთან შეხვედრა გაიმართა
17.11.2025 ნახვები: 259
წალენჯიხის მუნიციპალიტეტის მერის პირველი მოადგილე ბესიკ ფარცვანია ადმინისტრაციულ ერთეულებში მერის წარმომადგენლებს შეხვდა.
შეხვედრაზე განიხილეს ადმინისტრაციულ ერთეულებში მიმდინარე პროექტები, არსებული გამოწვევები, მათი მოგვარების გზები და სამომავლო გეგმები.
მერის წარმომადგენლებმა დეტალურად ისაუბრეს არსებულ საჭიროებებზე, შიდა-საუბნო გზების მოწესრიგებასა და სასმელი წყლით უზრუნველყოფის საკითხებზე.
შეხვედრას ესწრებოდნენ სს „ენერგო-პრო ჯორჯიას“ წალენჯიხის სერვისცენტრის მენეჯერი ალეკო ფირცხალავა და დასაქმების ხელშეწყობის სახელმწიფო სააგენტოს სამეგრელო-ზემო სვანეთის რეგიონის ხელმძღვანელი აკაკი კოროშინაძე.
ალეკო ფირცხალავამ მერის წარმომადგენლებს გააცნო ინფორმაცია სოფლების მასშტაბით დაგეგმილ სამუშაოებზე. აკაკი კოროშინაძემ კი, მერის ახალ რწმუნებულებს დასაქმების ხელშეწყობის, სტაჟირების, შშმ პირთა დასაქმებისა და სოციალურად დაუცველთა პროგრამაზე მიაწოდა ინფორმაცია.
შეხვედრას ასევე ესწრებოდნენ საკრებულოს თავმჯდომარე ცოტნე შონია, მერის მოადგილე გიორგი კვარაცხელია და საკრებულოს წევრები.
