საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
მიხეილ სააკაშვილი - ივანიშვილმა მესტია ადგილობრივ კრიმინალ ფეოდალს ვიქტორ ჯაფარიძეს გადააბარა, ჩემს შემდეგ თითი თითზე არ დადებულა სვანეთის განსავითარებლად
22.08.2025 ნახვები: 579
სვანეთი ბევრად მეტად განვითარებული იქნებოდა, ივანიშვილს რომ არ შეეჩერებინა სვანეთის გვირაბის პროექტი, რომლითაც ქუთაისიდან ორ საათში ჩავიდოდით მესტიაში - ივანიშვილმა მესტია გადააბარა ადგილობრივ კრიმინალ ფეოდალს ვიქტორ ჯაფარიძეს,- ამის შესახებ საქართველოს მესამე პრეზიდენტის მიხეილ სააკაშვილის განცხადებაშია აღნიშნული, რომელიც მის სოციალურ ქსელში ვრცელდება.
მისი თქმით, აქვს გეგმა „სვანეთში წელიწადში 2 მილიონი ტურისტის ჩაყვანასა და ადგილობრივი მოსახლეობის შემოსავლების ათმაგი ზრდაზე”.
„მესტიიდან ამბები მომივიდა, რომ იქ ბევრი დამსვენებელია, რაც ძალიან მახარებს.
ყველას მინდა ახსოვდეს, რომ მესტიაში არაფერი განვითარდებოდა, ჩვენ დროს რომ სვანეთი ყაჩაღებისგან და მკვლელებისგან არ გაწმენდილიყო.
ასევე, სვანეთი ბევრად მეტად განვითარებული იქნებოდა, ივანიშვილს რომ არ შეეჩერებინა სვანეთის გვირაბის პროექტი, რომლითაც ქუთაისიდან ორ საათში ჩავიდოდით მესტიაში. მან ასევე დააპაუზა თეთნულდის კურორტის მშენებლობა და მოკლა რედისონის სასტუმროს პროექტი მესტიის ცენტრში.
ივანიშვილმა მესტია გადააბარა ადგილობრივ კრიმინალ ფეოდალს ვიქტორ (ვიტია ) ჯაფარიძეს, რუსეთის ისტორიულ აპოლოგეტს. საერთოდ უნდა ითქვას, რომ ჩემს შემდეგ თითი თითზე არ დადებულა სვანეთის განსავითარებლად.
ჩემი გეგმაა, სვანეთში წელიწადში 2 მილიონი ტურისტის ჩაყვანა და ადგილობრივი მოსახლეობის შემოსავლების ათმაგი ზრდა”,- ნათქვამია ინფორმაციაში.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
