დონალდ ტრამპი ივნისიდან ევროკავშირის წინააღმდეგ 50%-იანი ტარიფების დაწესების წინადადებით გამოდის
23.05.2025 ნახვები: 470
აშშ-ის პრეზიდენტი, დონალდ ტრამპი 1-ელი ივნისიდან ევროკავშირის წინააღმდეგ 50%-იანი ტარიფების შემოღების წინადადებით გამოდის. ამის შესახებ აშშ-ის პრეზიდენტი, დონალდ ტრამპი პლატფორმა Truth Social-ზე
ტრამპი საუბრობს ევროკავშირის სავაჭრო ბარიერებზე და აცხადებს, რომ სავაჭრო დეფიციტი შტატებთან წელიწადში 250 მილიარდ აშშ დოლარზე მეტია, რაც მიუღებელია.
“ევროკავშირი, რომელიც ვაჭრობაში აშშ-ის გამოყენების პირველადი მიზეზით შეიქმნა, ძალიან რთულია გარიგებისთვის. მათმა ძლიერმა სავაჭრო ბარიერებმა, დღგ გადასახადებმა, სასაცილო კორპორაციულმა ჯარიმებმა, არაფულადმა სავაჭრო ბარიერებმა, მონეტარულმა მანიპულაციებმა, ამერიკულ კომპანიებთან უსამართლო და გაუმართლებელმა სასამართლო დავებმა და სხვა, მიგვიყვანა შეერთებულ შტატებთან წელიწადში 250 მილიარდ აშშ დოლარზე მეტ სავაჭრო დეფიციტამდე, რიცხვამდე, რომელიც სრულიად მიუღებელია. მათთან ჩვენს საუბრებს არსად არ მივყავართ! შესაბამისად, ევროკავშირის წინააღმდეგ პირდაპირ 50%-იანი სავაჭრო ტარიფის რეკომენდაციით გამოვდივარ, რომელიც 2025 წლის 1-ლი ივნისიდან დაიწყება”, - წერს ტრამპი.
