მიმიფურთხებია ყველა იმ ადამიანისთვის, ვინც თქვენ ხელს ჩამოგართმევთ-ბურჭულაძე ღარიბაშვილს
25.02.2022 ნახვები: 648
"ღრმადპატივცემულო" ბატონო პრემიერმინისტრო, აქამდეც მქონდა ამის სურვილი რომ მეთქვა თქვენთვის, მაგრამ თავს ვიკავებდი, თუმცა დღეს აუცილებლად უნდა გაცნობოთ და გულრწფელად გითხრათ, რომ მიმიფურთხებია ყველა იმ ადამიანისთვის, ვინც თქვენ, თქვენს მომყვანს და დამსმელს და თქვენს მიმდევრებს ხელს ჩამოართმევს. ბოდიში, რომ დამიგვიანდა ამის შეტყობინება და ბოდიში, რომ უფრო თქვენთვის შესაფერისი სიტყვებით ვერ შეგამკეთ. "უღრმესი პატივისცემით" პაატა ბურჭულაძე",-წერს Facebook-ზე მსოფლიო ბანი პაატა ბურჭულაძე.
შეგახსენებთ, ირაკლი ღარიბაშვილმა განაცხადა, რომ საქართველოს მთავრობა რუსეთს სანქციებს არ დაუწესებს და მხარდასაჭერად არც თავად ჩავა კიევში. აქციის მონაწილეები უკრაინას სრულ მხარდაჭერას უცხადებენ.
მის გამოსვლას ჰქონდა სუნი, არავის უნდა ამ სუნში გაჩერება. ეს არის წითელი ხაზი, ჩვენ ვიგრძენით, რომ უნდ ამოვიდეთ და უნდა ვუთხრათ ხელისუფლებას, რომ ასე გაგრძელება არ შეიძლება. როგორც მინიმუმ სანქციებს უნდა შეუერთდეს", - ამბობს აქციის ერთ-ერთი ორგანიზატორი, გიგა მაქარაშვილი.
