სამწუხაროდ, დღეს, ჩვენ მოვისმინეთ, რომ მან [გახარიამ] დასვა წერტილი და შემოგვთავაზა ისეთი ფორმულირება და ისეთი რამ, რომელიც არათუ ჯანსაღ გონებაში ეტევა, არამედ, მე მგონია, რომ რაღაც სპეცოპერაციას ჰგავს, ამის მეტ განმარტებას არ გავაკეთებ, მე მგონი, ყველა მიხვდება, რას ვგულისხმობ იმიტომ, რომ ეს იყო პრაქტიკულად დანგრევა იმისა, რასაც ჩვენ აქამდე ვაშენებდით,- ამის შესახებ „ძლიერი საქართველოს“ ლიდერმა, მამუკა ხაზარაძემ ბრიფინგზე განაცხადა, როდესაც ისაუბრა, თუ რატომ ვერ შედგა მასა და გიორგი გახარიას შორის პოლიტიკური გაერთიანება.
მისი თქმით, მოლაპარაკებისას იყო ერთ-ერთი ძალიან მნიშვნელოვანი საკითხი, რაც გულისხმობს შემდეგს - რომ ეს გაერთიანება არ შეუქმნიდა და არ შეუქმნის „ქართულ ოცნებას“ მთავრობას და მთავრობას თვითონ შექმნის, რაც ხაზარაძის თქმით, მნიშვნელოვანი ამბავია.
„ეს გაერთიანება იძლეოდა იმის სინერგიას და ვიმეორებ, ამ სინერგიას აწი ჩვენ შევქმნით, რომ შევქმნათ მთავრობა, რომელიც თვითონ დააკომპლექტებს მთავრობას, დანარჩენი უკვე არჩევნების შედეგებიდან გამომდინარე გადასაწყვეტი საკითხებია. ამიტომ, ბოდიში და, სპეკულაცია, რომ თითქოს „ქართულ ოცნებას“ ვიღაცა არ უკრავს, მაგრამ აქეთ ვიღაცისკენ იყურება, ეს, ასე არ არის, ამიტომ ამ სპეკულაციაში არ შევიდეთ. აღარ მინდა სხვა პუნქტები ჩამოვთვალო, მე მგონი, მალე გახდება ეს პუნქტები ცნობილი.
გუშინ ვუთხარი ქალბატონ პრეზიდენტს, რომ მე აბსოლუტურად ყველაფერი გავაკეთე იმისთვის, რომ არცერთი ხმა არ დაკარგულიყო და ყველა ის ადამიანი, რომელსაც უნდა ძალიან ძლიერი საქართველო და რომელსაც უნდა, რომ ამ ქვეყანაში სამუშაო ადგილები შეიქმნას, პენსიები მაღალი იყოს და უამრავი ის, რისთვისაც პოლიტიკაში ვარ, შესრულებულიყო. სამწუხაროდ, დღეს, ჩვენ მოვისმინეთ, რომ მან [გახარიამ] დასვა წერტილი და შემოგვთავაზა ისეთი ფორმულირება და ისეთი რა, რომელიც არათუ ჯანსაღ გონებაში ეტევა, არამედ, მე მგონია, რომ რაღაც სპეცოპერაციას ჰგავს, ამის მეტ განმარტებას არ გავაკეთებ, მე მგონი, ყველა მიხვდება, რას ვგულისხმობ იმიტომ, რომ ეს იყო პრაქტიკულად დანგრევა იმისა, რასაც ჩვენ აქამდე ვაშენებდით. აქედან გამომდინარე, ჩვენ ამით ყველაფერი ვთქვით. აქ ვართ, დღესაც მზად ვართ ხელი მოვაწეროთ იმ შეთანხმებას, რაც პრეზიდენტთან იქნა შეთანხმებული, მაგრამ თუ ეს არ მოხდება, ხვალ დილიდან ჩვენ ვაგრძელებთ [კამპანიას]. ვგრძნობ, რომ არ მოხდება, იმიტომ რომ მესმის, რომ გუშინ ცუცქირიძე იყო პრობლემა, დღეს შეიძლება სხვა რაღაც პლატფორმა[იყოს], რომელიც არ ვიცი, რა პლატფორმაა საერთოდ. ზეგ შეიძლება ახალი რაღაც იყოს და ამით შეიძლება უბრალოდ ამხელა, უზარმაზარი საქმე, ამხელა კოალიცია დარჩეს საერთოდ არჩევნების მიღმა ტექნიკურად და სამართლებრივად. ამიტომ, ჩვენ ხვალ ვაგრძელებთ ჩვენ კამპანიას“, - განაცხადა ხაზარაძემ.
მისი თქმით, პარლამენტში შესვლისას ე.წ. ლუსტრაციის კანონს შემოიღებენ.
„მინდა ყველას, მთელ ჩვენ მოქალაქეებს ვუთხრა, ყველაფერს გავაკეთებთ იმისთვის, რომ რუსული ხელისუფლება გასტუმრებული იყოს საქართველოდან, რომ ერთ-ერთი პირველი, როცა პარლამენტში შევალთ შევიტანთ „ლუსტრაციის კანონს“, რომელიც არ ეღირსა ამ ქვეყანას, შევიტანოთ იმისთვის, რომ ჩანერგილი ადამიანები არ იყვნენ პოლიტიკაში და მათ საჯარო სივრცეში არ ჰქონდეთ პოლიტიკის კეთების საშუალება და უამრავი სხვა რეფორმა, რომელიც ჩვენ ქვეყანას ძალიან დიდი გამარჯვების გზაზე დააყენებს“, - განაცხადა ხაზარაძემ.
