ევრო 2024 | გულშემატკივარმა მოპედით 4000 კილომეტრი გაიარა და გუნდს ქვეყნის დროშა ჩაუტანა
16.06.2024 ნახვები: 1332
საქართველოს ნაკრებს, რომელიც ევროპის ჩემპიონატისთვის გერმანიის ქალაქ ველბერტში ემზადება, 15 ივნისს განსაკუთრებული სტუმარი ეწვია. გულშემატკივარმა შადიმან ხარშილაძემ მოპედით 12 დღეში 4000 კილომეტრი გაიარა და ნაკრებს ეროვნული დროშა ჩაუტანა, რომელზეც ქომაგების გზავნილები იყო დატანილი – ინფორმაციას სფფ-ის პრესსამსახური ავრცელებს.
შადიმანის ასეთი საქციელი „ჯვაროსნებმაც“ დააფასეს და საქართველოს ეროვნული გუნდის კაპიტანმა, გურამ კაშიამ მას ეროვნული ნაკრების ფეხბურთელების ავტოგრაფებიანი მაისური უსახსოვრა.
შეგახსენებთ, რომ საქართველოს ნაკრები ევროპის ჩემპიონატზე პირველ შეხვედრას 18 ივნისს თურქეთთან გამართავს. მატჩი დორტმუნდის „BVB არენაზე“ თბილისის დროით 20:00 საათზე დაიწყება.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
