ვგმობთ საქართველოს მთავრობის მიერ რუსული სტილის კანონის იძულებით მიღებას და რეპრესიების უფრო ფართო კამპანიას - ასე გამოეხმაურა ჰელსინკის კომისია "რუსულ კანონზე" დღეს პრეზიდენტის ვეტოს დაძლევას.
როგორც განცხადებაში ვკითხულობთ აშშ მხარდაჭერას გამოთქვამს ქართველი ხალხის მიმართ.
"საქართველოში რუსული სტილის კანონის იძულებითი განხორციელება, მიუხედავად ქართველი ხალხის აბსოლუტურად მკაფიო ნებისა, გამიზნულია, როგორც საბოლოო დარტყმა ქართული დემოკრატიისა და ხალხის ევროატლანტიკურ მომავალზე.
ეს არის კრემლის მაქინაციების შედეგი, რომელიც დიდი ხანია ცდილობს, დაიპყროს თავისი მეზობლები და განსაკუთრებით ძველი ცივილიზაციები უკრაინასა და საქართველოში, რომელთა ისტორია და კულტურა მოსკოვამდე იყო, საკუთარი იმპერიული მიზნებისთვის.
ჩვენ მკაცრად ვგმობთ საქართველოს მთავრობის მიერ რუსული სტილის კანონის იძულებით მიღებას და რეპრესიების უფრო ფართო კამპანიას, რომელიც მან დაიწყო. ჩვენ კონგრესში მოუთმენლად ველით „MEGOBARI Act-ის“ წინსვლას, რათა უზრუნველვყოთ პასუხისმგებლობა ქართველი ხალხის ნებაზე ამ თავდასხმისთვის.
შეერთებული შტატები დგას ჩვენს მეგობრებთან, ქართველ ხალხთან, რათა დაიცვას ქართველთა თაობების შესრულებული სამუშაო თავისუფლებისა და კეთილდღეობისთვის. ჩვენ მოუთმენლად ველით ქართული დემოკრატიის მხარდაჭერას კანონპროექტში ასახული მექანიზმებით და სხვა“, – წერია განცხადებაში.
