პროტესტი, რაც ბოლო დღეების განმავლობაში იყო, ცხადია, ესეც მართული იყო. ამ ყველაფრის უკან ვიცით, ვინ დგას. ეს არის კონკრეტული არასამთავრობო ორგანიზაციები, რომლებიც უცხოეთიდან ფინანსდება - ასევე, რადიკალურ ქმედებებში ჩართულია კეზერაშვილის თანხები, - ამის შესახებ „ქართული ოცნების“ გენერალურმა მდივანმა, კახა კალაძემ განაცხადა.
მისივე თქმით, თუ ვინმეს ხელისუფლების ცვლილება სურს და „უცხოური გავლენის გამჭვირვალობის“ შესახებ კანონი არ მოსწონთ, შეუძლიათ არჩევნების გზით, ეს ყველაფერი შეცვალონ.
„პროტესტი, რაც ბოლო დღეების განმავლობაში იყო, ცხადია, ესეც მართული იყო. ამ ყველაფრის უკან ვიცით, ვინ დგას. ეს არის კონკრეტული ის არასამთავრობო ორგანიზაციები, რომელიც უცხოეთიდან ფინანსდება. ასევე, რადიკალურ ქმედებებში ჩართულია კეზერაშვილის თანხები. რა თქმა უნდა, ყველაფერი არის წამგებიანი და არასდროს ამ ქვეყანაში რადიკალიზმი არ და ვერ გაიმარჯვებს. თუ ვინმეს უნდა ხელისუფლების ცვლილება, არ მოსწონს აღნიშნული კანონი, არჩევნების გზით ცივილურად, დემოკრატიულად შეუძლიათ, თუ ამის მხარდაჭერა აქვთ, შეცვალონ ხელისუფლება და ისეთი კანონი მიიღონ, რომელიც მისთვის არის მისაღები, მაგრამ აქაც ძალიან კარგად იციან, რომ მათ არანაირი მხარდაჭერა, თანადგომა საზოგადოების მხრიდან არ აქვთ. მოსახლეობის უმრავლესობა მხარს უჭერს „ქართულ ოცნებას“ და იმ პოლიტიკას, რომელსაც „ქართული ოცნება“ ატარებს. იმიტომ, რომ ყველა კარგად ხედავს, რომ დღეს ქვეყანა საფრთხის წინაშე დგას. დღეს მნიშვნელოვანია შევინარჩუნოთ მშვიდობა, სიმშვიდე და არ მოხდეს, ის ყველაფერი, რაც უკრაინაში მოხდა. ეს იქნება უმძიმესი ჩვენი ქვეყნისთვის. ამიტომ ჩვენ ვიდგებით ყოველთვის ქვეყნის სადარაჯოზე“, - განაცხადა კალაძემ.
გარდა ამისა, კალაძე ჟურნალისტებთან საუბრისას გამოეხმაურა გავრცელებულ ინფორმაციას, რომ პარტია „ახალის“ ლიდერები, ნიკა მელია და ნიკა გვარამია თავდაცვის ყოფილ მინისტრს, დავით კეზერაშვილს ქვეყნის გარეთ ხვდებიან, რაზეც „ქართული ოცნების“ გენერალური მდივანი ამბობს, რომ შესაძლოა შეხვედრის მიზანი ფინანსებთან დაკავშირებული საკითხი იყოს.
„არ ვიცი, რასთან დაკავშირებით იქნება საუბარი, უბრალოდ, მე მიჭირს ამაზე პასუხის გაცემა. ნუ, ერთი ცხადია, რომ იმ ყველაფრის უკან, რასაც ვხედავთ ახლა ქვეყანაში მიმდინარე მოვლენებს, ერთ-ერთი დამფინანსებელი კეზერაშვილია, ფინანსებთან
