დონალდ ტრამპი - ნავალნი უკან არ უნდა დაბრუნებულიყო
21.02.2024 ნახვები: 534
ნავალნი მამაცი იყო, მაგრამ უკან არ უნდა დაბრუნებულიყო, - ამის შესახებ აშშ-ის ყოფილმა პრეზიდენტმა, დონალდ ტრამპმა Fox News-თან ინტერვიუში განაცხადა.
„ძალიან სამწუხარო სიტუაციაა. ის ძალიან მამაცი იყო, რადგან დაბრუნდა. მას შორს დარჩენა შეეძლო.
გულწრფელად რომ ვთქვათ, იგი ალბათ ბევრად უკეთ იქნებოდა შორს რომ დარჩენილიყო და ქვეყნის საზღვრებს გარედან ესაუბრა, ვიდრე უკან დაბრუნებულიყო. რადგან ხალხი ფიქრობდა, რომ ეს შეიძლებოდა მომხდარიყო და ასეც მოხდა. ეს საშინელებაა“, - აღნიშნა დონალდ ტრამპმა.
დონალდ ტრამპის თქმით, პოლიტიკურად მოტივირებული დევნა აშშ-შიც ხდება.
„მაგრამ ეს ჩვენს ქვეყანაშიც ხდება. მრავალი თვალსაზრისით ჩვენ კომუნისტურ ქვეყნად ვიქეცით. ჩვენ თუ ამას დავაკვირდებით, მე წამყვანი კანდიდატი ვარ და ბრალს მიყენებენ“, - განაცხადა აშშ-ის ყოფილმა პრეზიდენტმა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
