მეწყერი სოფელ საქასრიაში - ჩახერგილია გზები, თუმცა გაწმენდით სამუშაოებს ტექნიკის არქონის გამო ვერ იწყებენ
08.02.2024 ნახვები: 571
ხარაგაულის რაიონის სოფელ საქასრიაში მეწყერი ჩამოწვა - სტიქიის შედეგად სახლებს სახურავები აქვს გადახდილი და დაზიანებულია სამეურნეო ნაკვეთები.
ამ დრომდე გზები ხეებით არის ჩახერგილი და ადგილობრივები თავისუფლად გადაადგილებას ვერ ახერხებენ.
"პირველებთან" ადგილობრივები ამბობენ, რომ მათ დახმარების მიზნით გამგეობას მიმართეს, თუმცა მუნიციპალიტეტის თანამშრომლებმა უთხრეს, რომ სხვა სოფლებში არსებული რთული მეტეოროლოგიური ვითარების გამო, ყველა მძიმე ტექნიკა დაკავებული არის. აქედან გამომდინარე, საქასრიაში ტრაქტორის ჩაყვანა და გაწმენდითი სამუშაოების ჩატარება ვერ ხერხდება.
