აშშ-ის სახელმწიფო დეპარტამენტი ყარაბაღში ჰუმანიტარული მდგომარეობის გამო შეშფოთებას გამოთქვამს. გავრცელებულ განცხადებაში უწყება იმეორებს თავის მოწოდებას, რომ დაუყოვნებლივ გაიხსნას ლაჩინის დერეფანი.
„ჩვენ ღრმად შეშფოთებული ვართ მთიან ყარაბაღში ჰუმანიტარული პირობების გაუარესების გამო, რაც გამოწვეულია სურსათის, მედიკამენტებისა და ღირსეული არსებობისთვის აუცილებელი სხვა პროდუქტების ბლოკადის გაგრძელებით. ბოლო რამდენიმე კვირის განმავლობაში აშშ უწყვეტად მუშაობდა მხარეებთან, რათა დაეშვათ ჰუმანიტარული დახმარების მიწოდება მთიანი ყარაბაღის მოსახლეობისთვის. ჩვენ ვიმეორებთ ჩვენს მოწოდებას, დაუყოვნებლივ ხელახლა გაიხსნას ლაჩინის დერეფანი ჰუმანიტარული, კომერციული და სამგზავრო გადაზიდვებისთვის. გარდა ამისა, ბაქოს ოფიციალური პირები და სტეფანაკერტის წარმომადგენლები უნდა შეიკრიბონ დაუყოვნებლად, რათა შეთანხმდნენ მთიანი ყარაბაღის კაცების, ქალებისა და ბავშვებისთვის კრიტიკული პროდუქტების ტრანსპორტირების საშუალებებზე, მათ შორის მიწოდების დამატებით მარშრუტებზე და განაახლონ დისკუსია ყველა გადაუჭრელ საკითხზე. საბაზისო ჰუმანიტარული დახმარება არასოდეს უნდა იყოს პოლიტიკური უთანხმოების მძევალი“, – ნათქვამია სახელმწიფო დეპარტამენტის განცხადებაში.
ლაჩინის დერეფანი ერთადერთი გზაა, რომლითაც ყარაბაღი სომხეთს უკავშირდება. ერევანი ამ დერეფნის ბლოკირებაში ბაქოს ადანაშუალებს. აზერბაიჯანი ბლოკადას უარყოფს.
