"უნდა იქნას გამოძიებული ეს მოვლენა და ყველა მაღალჩინოსანმა უნდა აგოს პასუხი," - ეს განცხადება ევროოპტიმისტების წევრმა, რომან გოცირიძემ გააკეთა.
გოცირიძის შეფასებით, შს მინისტრის სტიქიის ზონაში გაკეთებული განცხადება ტყუილია, რომ თითქოს ქვეყანას ღამის ხედვით აღჭურვილი ვერტმფრენი ჰყავს.
რამდენი ადამიანი დაიღუპა და მთელი ამ დროის განმავლობაში არიან სხვებზე გადაბრალების და უზნეო თავის მართლების რეჟიმში. იტყუებიან, რომ თურმე ვერტმფრენი გვყავდა, მაგრამ რისკი იყო და ვერ შემოვიდა. არ ჰყავთ საქართველოში ვერტმფრენი, რომელსაც შეუძლია მსგავს პირობებში ღამით იმუშაოს. 11 წლის განმავლობაში ერთი ღამით მფრენი ვერტმფრენი ვერ თუ არ იყიდეს, ვინაიდან, მილიარდები იფლანგება სხვა რამეებზე და ადამიანის სიცოცხლის გადასარჩენად არაფერს აკეთებენ. უნდა იქნას გამოძიებული ეს მოვლენა და ყველა მაღალჩინოსანმა უნდა აგოს პასუხი,“ - ამბობს რომან გოცირიძე.
