„ბოლო დღეების განმავლობაში კარგად ვხედავდით, რას აკეთებდა „ქართული ოცნების" შტაბი. რეალურად, საარჩევნო შტაბს წარმოადგენდა კრიმინალური პოლიცია და სუსი," - განაცხადეს დღეს, 30 სექტემბერს, აჭარის გაერთიანებული ოპოზიციის წარმომადგენლებმა, რომლებმაც შემაჯამებელი ბრიფინგი გამართეს.
ოპოზიციონერების თქმით, მმართველი გუნდი მოახლოებული თვითმართველობის არჩევნების გაყალბებას სხვადასხვა მეთოდით ცდილობს.
მათივე განცხადებით, ხელისუფლების მთავარი ბერკეტი ე.წ. კარუსელის დატრიალება, რისთვისაც ადგილობრივი ხელისუფლება იმ ადამიანთა სიებს აგროვებს, რომლებიც არჩევნებზე მისვლას არ აპირებენ.
გაერთიანებული ოპოზიცია, მოქალაქეებს და საუბნო არჩევნების კომისიის წევრებს, მაქსიმალური ყურადღების გამოჩენას და საარჩევნო სიების მკაცრად გაკონტროლებისკენ მოუწოდებენ.
„ბოლო დღეების განმავლობაში კარგად ვხედავდით, რას აკეთებდა „ქართული ოცნების" შტაბი. რეალურად, საარჩევნო შტაბს წარმოადგენდა კრიმინალური პოლიცია და სუსი. ისინი ეძებდნენ იმ ადამიანებს, ვინც ვერ შეძლებდა არჩევნებზე მისვლას. ამისთვის იყენებდნენ სუს-ის მიერ მიწოდებულ ინფორმაციებს, ასევე კარდაკარ ხდებოდა მათი გადამოწმება. ეს ყველაფერი კი ერთადერთ მიზანს ემსახურებოდა. მათი სურვილი და გეგმაა იმ ადამიანების ნაცვლად მიიღონ მონაწილეობა და მისცენ ხმა ვინც ვერ შეძლებს არჩევნებზე მისვლას.
„ჩვეულებრივი, მარტივი ტიპის კარუსელების დატრიალებას გვიპირებენ ბათუმის 103-ე საარჩევნო უბანზე. ოპოზიციურმა პარტიებმა მივიღეთ გადაწყვეტილება და გვინდა, ვთხოვოთ საუბნო საარჩევნო კომისიის წევრებს, განსაკუთრებული ყურადღება მიაქციონ შემოსასვლელ კარს და ყველა ამომრჩეველი აუცილებლად გადამოწმდეს კედლის სიაში.
„ქართული ოცნებას" მოვუწოდებთ, ბათუმში კარუსელების დატრიალებისაგან თავი შეიკავოს. ბოლომდე მზად ვართ, რომ ბათუმელების ნება იყოს გამოხატული და საზოგადოების ნება შემაჯამებელ ოქმებში იყოს ასახული'', - განაცხადეს ოპოზიციონერებმა.
