კვარაცხელიას „ნაპოლიმ“ „აინტრახტი“ დაამარცხა და ჩემპიონთა ლიგის მეოთხედფინალში ითამაშებს
16.03.2023 ნახვები: 578
„ნაპოლიმ“ ჩემპიონთა ლიგის განმეორებით მერვედფინალურ მატჩში ფრანკფურტის „აინტრახტს“ უმასპინძლა, კვლავ დაამარცხა 3:0 და მეოთხედფინალში გავიდა.
პირველი შეხვედრა ფრანკფურტში იტალიელებმა 2:0 მოიგეს და მეოთხედფინალში გასასვლელად დიდი ნაბიჯი გადადგეს.
პირველი საგოლე მომენტი კვარაცხელიამ შექმნა, რომელიც მე-19 წუთზე მეკარეს მიუახლოვდა და ძლიერად დაარტყა, მაგრამ კევინ ტრაპმა აჯობა. ხვიჩას გატანა 43-ე წუთზეც შეეძლო, მაგრამ გერმანელმა კიპერმა კვლავ საიმედოდ ითამაშა.
მეორე ტაიმში ხვიჩა კვარაცხელიას წამოწყებული შეტევა პოლიტანომ და დი ლორენცომ განავითარეს, ოსიმენმა კი დუბლით იტალიელთა უპირატესობა უფრო შთამბეჭდავი გახადა. კვარაცხელიამ 61-ე წუთზე კიდევ ერთხელ სცადა გატანა, მაგრამ ტრაპმა ისევ მშვენიერი რეაქიცა გამოავლინა.
64-ე წუთზე გერმანელთა კარში პენალტი დაინიშნა, რომელიც პიოტრ ჟელინსკიმ შეასრულა და ფაქტობრივად, თამაშის ბედი გადაწყდა.
