უკრაინის რამდენიმე ოლქში საჰაერო განგაში გამოცხადდა, - ინფორმაციას უკრაინული მედია ავრცელებს.
მათივე ინფორმაციით, ჯერ ჩერნიგოვის ოლქი "გაწითლდა", შემდეგ კი მას კიევის, პოლტავას, კიროვოგრადის, ჟიტომირის, დნეპროპეტროვსკის, ხარკოვისა და ხმელნიცკის ოლქები მოჰყვა.
კიევის სამხედრო ადმინისტრაციამ გაავრცელა ინფორმაცია, რომ ოლქის თავზე მტრის საჰაერო სამიზნეებია აღმოჩენილი. ასევე, ჩერნიგოვის სამხედრო ადმინისტრაციის ხელმძღვანელმა, ვიაჩესლავ ჩაუსმა განაცხადა, რომ ოლქში მოწინააღმდეგის კუთვნილი ე.წ. „კამიკაძე-დრინები“ დააფიქსირეს.
"ოლქში „შაჰიდებია“, ნუ უგულებელყოფთ უსაფრთხოებას. საჰაერო თავდაცვა წარმატებით მუშაობს", - წერს ვიაჩესლავ ჩაუსი.
სოციალურ ქსელებში გავრცელდა ინფორმაცია საჰაერო სივრცეში უცნობი ობიექტების გადაადგილებისა და საჰაერო თავდაცვის ძალების მუშაობის შესახებ. ეს ინფორმაცია შემდგომში პრეზიდენტის ოფისშიც დაადასტურეს.
„საჰაერო თავდაცვას უკვე აქვს მუშაობის დადებითი შედეგები“, - განაცხადა პრეზიდენტის ოფისის ხელმძღვანელმა, ანდრეი ერმაკმა.
