რუსეთის პრეზიდენტი, ვლადიმერ პუტინი ოკუპირებული რეგიონის, სამხრეთ ოსეთის ე.წ. პრეზიდენტს ალან გაგლოევს შეხვდება.
ინფორმაციას რუსული მედია კრემლის პრესსამსახურზე დაყრდნობით ავრცელებს.
მათივე ცნობით, შეხვედრაზე, რომელიც ხვალ გაიმართება, ვლადიმერ პუტინი და ალან გაგლოევი რუსეთსა და ე.წ. სამხრეთ ოსეთს შორის არსებულ თანამშრომლობასა და მისი განვითარების პერსპექტივებს განიხილავენ.
„22 თებერვალს რუსეთის ფედერაციის პრეზიდენტი ვლადიმერ პუტინი შეხვდება სამხრეთ ოსეთის რესპუბლიკის პრეზიდენტს ალან გაგლოევს, რომელიც სამუშაო ვიზიტით რუსეთში იმყოფება. იგეგმება ორმხრივი ურთიერთობების არსებული მდგომარეობისა და შემდგომი განვითარების პერსპექტივების განხილვა“, - ნათქვამია გავრცელებულ განცხადებაში.
მათივე ინფორმაციით, შეხვედრაზე აქცენტი სოციალურ-ეკონომიკურ სფეროში თანამშრომლობაზე გაკეთდება. ალან გაგლოევი რუსეთში ე.წ. სამუშაო ვიზიტით იმყოფება. რუსეთს სტუმრობდა ოკუპირებული აფხაზეთის ე.წ. პრეზიდენტი, ასლან ბჟანია, თუმცა ვლადიმერ პუტინი მას არ შეხვედრია.
