სოციალურ ქსელში თეა წულუკიანზე მუქარის შემცველი სტატუსის გამო ქეთევან გაბიანს სასამართლომ 2000-ლარიანი ჯარიმა დააკისრა - ამის შესახებ თეა წულუკიანი სოციალურ ქსელში თავად წერს.
"ეს გახლავთ შარშან, თებერვალში მიღებული მკვლელობის მუქარა, რომელიც ავტორმა მოგვიანებით წაშალა.
მოცემული არსება, ვინმე ქეთევან გაბიანი (აწ უკვე ხაბიანი), რომელიც სასამართლო დარბაზში ვნახე პირველად, დღეს გამოცხადებული, პირველი ინსტანციის სასამართლოს განაჩენის თანახმად: ცნობილ იქნა დამნაშავედ საქართველოს სისხლის სამართლის კოდექსის 151-ე მუხლის პირველი ნაწილით და სასჯელად განესაზღვრა ჯარიმა 2000 ლარის ოდენობით.დღეიდან იგი სისხლის სამართლის დამნაშავეა და არა - ნაცური კეთილშობილების დედამიწაზე დამკვიდრებისათვის მებრძოლი ენჯეო-ამორძალი. ეს მნიშვნელოვანი სასამართლო პრეცედენტია!მადლობას ვუხდი ჩემს ადვოკატს, ბატონ მალხაზ სალაყაიას!" - წერს თეა წულუკიანი.
შეგახსენებთ, რომ "ნაციონალური მოძრაობის" აქტიური მხარდამჭერი ქეთა გაბიანი, რომელმაც ერთი წლის წინ საკუთარ პოსტში თეა წულუკიანი უცენზურო სიტყვებით მოიხსენია, სასამართლომ დამნაშავედ ცნო და დაეკისრა ფულადი ჯარიმა.
