დე ლაურენტისი: ლამაზი "ნაპოლი" "კვარათი", რომელმაც დაბადების დღე დიდებულად აღნიშნა
13.02.2023 ნახვები: 570
სერია A-ს 22-ე ტურში "ნაპოლიმ" "კრემონეზე" 3:0 დაამარცხა. ანგარიში და თამაში ამ მატჩში ხვიჩა კვარაცხელიამ 22-ე წუთზე გახსნა, რომელიც 22 წლის გახდა და საკუთარ თავს ჩინებული საჩუქარი გაუკეთა. გამარჯვებით გამოწვეული სიხარული ნეაპოლური კლუბის პრეზიდენტმა აურელიო დე ლაურენტისმა ვერ დამალა.
"ლამაზი "ნაპოლი" "კვარათი", რომელმაც დაბადების დღე დიდებულად აღნიშნა; ოსიმენით, რომელიც სულ უფრო და უფრო უკეთესი ბომბარდირი ხდება და ელმასით, რომელმაც შეხვედრას წერტილი დაუსვა. ასევე გააგრძელეთ!", - წერს დე ლაურენტისი "ტვიტერზე".
