12 ადამიანი დაიღუპა, 73 დაშავდა და 38 გადაარჩინეს, რუსეთის მიერ ქალაქ დნიპროში საცხობრებელ კორპუსზე მიტანილი იერიშის შედეგად.
რუსული რაკეტა მოხვდა ქალაქ დნიპროში საცხოვრებელ კორპუსს, რის შედეგადაც მთელი მონაკვეთი გაანადგურა.
„15 იანვარს, 01:30 საათისთვის, 38 ადამიანი (მათ შორის ექვსი ბავშვი) იქნა გადარჩენილი, დაიღუპა 12 ადამიანი (მათ შორის ერთი ბავშვი), დაშავდა 73 ადამიანი (მათ შორის 14 ბავშვი). ხანძრის ლიკვიდაცია მიმდინარეობს. მიმდინარეობს სახლის დაზიანებული და გადარჩენილი ნაწილების შემოწმება“, - ინფორმაციას უკრაინის საგანგებო სიტუაციების სამსახური ავრცელებს.
სამძებრო-სამაშველო ოპერაციებში 450-ზე მეტი ადამიანი და 80 ერთეული ტექნიკაა ჩართული.
საგანგებო სიტუაციების სამსახურში დასძინეს, რომ მაშველებმა ნანგრევების ქვეშ ქალის ხმა გაიგეს, მის საშველად სამუშაოები მიმდინარეობს.
დნეპროს ქალაქის ხელისუფლებამ რუსული სარაკეტო თავდასხმის შედეგად დაღუპულთა გამო სამდღიანი გლოვა გამოაცხადა.
