მაქვს ინფორმაცია, რომ ცდილობენ შეურაცხადად გამოაცხადონ და გაათავისუფლონ-ქმრის მიერ ავტობუსში მოკლული ქალის დედა

გუ­რა­მიშ­ვი­ლის გამ­ზირ­ზე მოძ­რავ სა­ზო­გა­დო­ებ­რივ ტრან­სპორ­ტში მოკ­ლუ­ლი სოფი კვარა­ცხე­ლი­ას ოჯახი და­ნა­შა­ულ­ში ბრალ­დე­ბუ­ლის უმ­კაც­რე­სად დაჯ­ას ითხოვს.

როგორც სოფო კვარაცხელიას დედამ „მთავარ არხთან“ საუბარში განაცხადა, აქვს ინფორმა­ცია, რომ აპი­რე­ბენ ბრალ­დე­ბუ­ლი შე­უ­რა­ცხა­დად გა­მო­ა­ცხა­დონ და გა­ა­თა­ვი­სუფ­ლონ.

საუბარია თბილისში, 7 თვის წინ მომხდარ შემთხვევაზე, როდესაც ბრალდებულმა მეუღლეს მცირეწლოვანი ბავშვების წინ 12 ჭრილობა მიაყენა.

“მო­ვი­თხოვ იმას, რომ უ­მკაც­რე­სად და­ი­სა­ჯოს. ანუ, სა­მუ­და­მო უნდა მის­ცენ იმ ადა­მი­ანს, რო­მელ­მაც პრო­ვო­ცი­რე­ბა მო­ახ­დი­ნა ძა­ლი­ან ბევრ ადა­მი­ან­ზე. ჩემი შვი­ლის შემ­დეგ, უკვე მემ­გო­ნი 9 თუ 10 მკვლე­ლო­ბა მოხ­და, ისევ და ისევ ქმრე­ბის­გან მოკ­ლულ ცო­ლებ­ზე მაქვს აქ­ცენ­ტი.

მე ვიცი, რომ ჩემს შვილს, ამით, რომ მას მი­უ­სა­ჯონ სა­მუ­და­მო თუ 20 წელი, არა­ფე­რი ეშ­ვე­ლე­ბა, მაგ­რამ მე მინ­და გა­ვუფრ­თხილ­დე სხვი­სი შვი­ლე­ბის სი­ცო­ცხლეს.

მე მაქვს ეს ინ­ფორ­მა­ცია, რომ მის­თვის ცდი­ლო­ბენ, რომ ისე­თი სა­ბუ­თი გა­უ­კე­თონ, რომ არის იგი შე­უ­რა­ცხა­დი, რის გა­მოც, ის შე­იძ­ლე­ბა ფსი­ქი­ატ­რი­უ­ლი სა­ა­ვად­მყო­ფო­დან მერე თა­ვი­სუფ­ლე­ბა­ზე მოხ­ვდეს, – ამ­ბობს მოკ­ლუ­ლი ქა­ლის დედა “მთა­ვარ არხთან” სა­უბ­რი­სას.