გარდაიცვალა მამაკაცი, რომელმაც ყოფილ მეუღლეს საწვავი შეასხა და ცეცხლი წაუკიდა
26.11.2022 ნახვები: 563
მამაკაცი, რომელმაც ყოფილ მეუღლეს საწვავი შეასხა და ცეცხლი წაუკიდა, გარდაიცვალა.
ლეონიდე ზვიადაძე ქუთაისში დამწვრობის ცენტრში იყო მოთავსებული.
როგორც კლინიკაში განმარტავენ, მდგომარეობა იყო მძიმე, მისი გადარჩენა ვერ მოხერხდა.
მამაკაცს 70%-იანი დამწვრობა ჰქონდა, ის მართვით სუნთქვაზე იმყოფებოდა.
ცნობისთვის, თერჯოლაში შემზარავი დანაშაული 24 ნოემბერს მოხდა.
ლეონიდე ზვიადაძემ, სავარაუდოდ, შურისძიების მიზნით, ყოფილ მეუღლეს, 37 წლის თამილა ლილუაშვილს ცეცხლი წაუკიდა, ქალი ადგილზე გარდაიცვალა.
მომხდარზე გამოძიება 19-109, 376-ე მუხლებით დაიწყო.
