"შეიწყალეთ მიხეილ სააკაშვილი და აპატიეთ საკუთარი ქვეყნის თუნდაც ჩვენთვის გაუაზრებელი ლეველის სიყვარული. ახლა სულაც არ მადარდებს უკვე მისი პოლიტიკური მომავალი - რომელიც მისმა თანაგუნდელებმა და ჩამომტყუებლებმა გაუნადგურეს",-ამის შესახებ სოციალურ ქსელში ანალიტიკოსი გოჩა მირცხულავა წერს.
“ამ წუთას და ამ ვითარებაში, უამრავი გარემოების გათვალისწინებით, ნამდვილად ღირსეული ნაბიჯი იქნება პრეზიდენტ საკაშვილის შეწყალება მისჯილ დანაშაულებებზე და მისი გაშვება სამკურნალოდ.
მაშინ როდესაც საარჩევნო ბატალიებში ჩართულ ნაცმოძრაობას დამფუძნებელი არც ახსოვს, ეს პოლიტიკურადაც სწორი ნაბიჯი იქნება.
თუმცა, როდის გესმოდათ ჩემი გულწრფელი და სახელმწიფოსთვის სასარგებლო რჩევები?
შეიწყალეთ მიხეილ სააკაშვილი და აპატიეთ საკუთარი ქვეყნის თუნდაც ჩვენთვის გაუაზრებელი ლეველის სიყვარული.
ახლა სულაც არ მადარდებს უკვე მისი პოლიტიკური მომავალი - რომელიც მისმა თანაგუნდელებმა და ჩამომტყუებლებმა გაუნადგურეს.
იყავით მოწყალენი და დიდსულოვანნი.
გიორგობას გილოცავთ!’,-წერს მირცხულავა
