მირცხულავა:ანაკლიას ხაზარაძე ჩამოაშორეთ და სამი წლის განმავლობაში 50 მილიონის მოძიება რა გახდა?!
31.10.2022 ნახვები: 563
„ბატონო ბიძინა, საქართველოს მთავრობა, სამი წელიწადია მოქალაქე მამუკა ხაზარაძე ჩამოშორებულა (ჩამოაშორეთ) ანაკლიის საკითხს. სამი წლის განმავლობაში 50 მილიონის მოძიება რა გახდა, რომ გაგრძელებულიყო მშენებლობა?
ბატონო ბიძინა, თქვენი სტიპენდია-პენსიებით, რომელსაც დეგრადირებულ - სხვას ვერაფერს დავარქმევ - ინტელიგენციას უხდით და ამით რიგით მოქალაქეზე ზემოთ აყენებთ მათ, რა სარგებელს იღებთ?“,-ამის შესახებ ანალიტიკოსი გოჩა მირცხულავა სოციალურ ქსელში წერს.
მირცხულავა, ანაკლიის პროექტის საჭიროებას უსვამს ხაზს და ხელისუფლებისგან პასუხს მოითხოვს.
„ამ ქვეყანაში ორი ფინანსურად უზრუნველყოფილი სუბიექტია - სახელმწიფო და ბიძინა ივანიშვილი. რადგან სახელმწიფოს მართავს მთავრობა, კითხვა ასე უნდა ჩამოვაყალიბო: ბატონო ბიძინა, საქართველოს მთავრობა, სამი წელიწადია მოქალაქე მამუკა ხაზარაძე ჩამოშორებულა (ჩამოაშორეთ) ანაკლიის საკითხს. სამი წლის განმავლობაში 50 მილიონის მოძიება რა გახდა, რომ გაგრძელებულიყო მშენებლობა?
ბატონო ბიძინა, თქვენი სტიპენდია-პენსიებით, რომელსაც დეგრადირებულ - სხვას ვერაფერს დავარქმევ - ინტელიგენციას უხდით და ამით რიგით მოქალაქეზე ზემოთ აყენებთ მათ, რა სარგებელს იღებთ?
ანაკლიისგან ხომ სარგებელს მთელი სახელმწიფო - ის რიგითი მოქალაქეებიც მიიღებდნენ, რომლებსაც უპირატესად არ მიიჩნევთ და მხოლოდ საარჩევნოდ, გამარჯვების ინსტრუმენტად განიხილავთ. უფრო არ დაგაფასებდნენ? აი, კოვიდისთვის ხომ მოძებნეთ ასი მილიონი, მაგრამ იქაც მადლმოუყრელი საქმე გამოვიდა - ეკლესიამ კოვიდი ფეხებზე გვკიდიაო და ზარდა და ზარდა კლასტერები, შემდეგ კარფურს დააბრალა - რიგები თუ არის მანდ არისო. მერეც მოგეძიებინათ რამე - გადანახული რეზერვებიდან, ფონდებიდან. თუმცა ფული თქვენია და ეგეც გასაგებია, ვისაც გინდათ იმას მისცემთ - "კოორდინატორი ჟუჟუნა ბიცოლა" სადაც არის, მანდ სახელმწიფო რა სახსენებელია.
აი, საქართველოს მთავრობა ცალკე გაუგებრობაა - პრემიერი ღარიბაშვილი როგორც მახსოვს კარგად იცნობდა ქარჩავას - ფაუერ ჩაინას ლობისტს. იქნებ მანდ გეჩალიჩათ, ან სხვა ინვესტორი მოგეძიებინათ. ბოლო-ბოლო, პორტი ხომ 49 წლის შემდეგ ხელისუფლებას გადაეცემა და თუნდაც ამ მიზეზით, ბიუჯეტიდან გამოგეყოთ თანხა, მით უფრო ორნიშნა ეკონომიკური წინსვლის პირობებში.
ახლა რომ ანაკლიის საჭიროებაა საჭიროებაც ეგეთი უნდა. მაგრამ არა - არ გძრავთ ეს საკითხი - რატომ?
მე კი ვიცი რატომაც, თქვენ პასუხის გამცემი არ ხართ. იცით, იმ ავადსახსენებელი ბერიას აშენებულია ნახევარი თბილისი და მტკვრის სანაპირო. დატოვეთ რაღაც ხელმოსაჭიდი, ისეთი თუნდაც ასი წლის მერე რომელიმე მირცხულავას, ან გითოლენდიას, სულაც სამჭკუაშვილს რომ გაახსენდებით. დატოვეთ რაღაც სიაფანდი ოცნების, დახვრეტილი და გაუპატიურებული პერსპექტივის, შანსისა და იმედის გარდა.
ისე, ძალიან მიკვირს, რაც გახარიამ ანაკლიის ჩაშლისთვის გააკეთა, სამეგრელო თუნდაც ერთ ხმას რომ აძლევს...“,-წერს მირცხულავა
