უკრაინის თავდაცვის ძალების ინფორმაციით, ქვეყნის სამხრეთში კონტრშეტევითი ოპერაციის ფარგლებში უკრაინის არმიამ რამდენიმე ათეული კილომეტრით წინ წაიწია
10.09.2022 ნახვები: 617
უკრაინის სამხრეთში, სხვადასხვა მიმართულებაზე კონტრშეტევითი ოპერაციის ფარგლებში უკრაინის არმიამ რამდენიმე ათეული კილომეტრით წინ წაიწია. ამის შესახებ უკრაინის სამხრეთის თავდაცვის ძალების ერთობლივი საკოორდინაციო პრესცენტრის ხელმძღვანელმა, ნატალია გუმენიუკმა ეროვნული ტელემარათონის ეთერში განაცხადა.
გავრცელებული ცნობით, ოპერაციის ფარგლებში 100-მდე რუსი ჯარისკაცი მოკლეს, ასევე ცხრა ტანკი და ორი ჰაუბიცა გაანადგურეს.
გათავისუფლებული დასახლებული პუნქტების შესახებ დეტალური ინფორმაცია უახლოეს მომავალში გახდება ცნობილი.
უკრაინის თავდაცვის მინისტრ ალექსეი რეზნიკოვის თქმით, დარწმუნებულია, რომ ფრონტზე უკრაინის შეიარაღებული ძალების კიდევ რამდენიმე გამარჯვების შემდეგ რუსი ოკუპანტები გაქცევას დაიწყებენ.
