ბოლო ხუთი წლის განმავლობაში ჩინეთის სამხედრო ძალები საგრძნობლად უფრო აგრესიული და სახიფათო გახდა, – ამის შესახებ აშშ-ის არმიის გაერთიანებული შტაბების კომიტეტის ხელმძღვანელმა, გენერალმა მარკ მილიმ განაცხადა.
ამერიკელი გენერლის თქმით, წყნარი ოკეანის რეგიონში ჩინეთის მხრიდან სახიფათო მოქმედებების რაოდენობა მნიშვნელოვნად გაიზარდა.
„ეს ის სფეროა, სადაც ჩინეთი ცდილობს საკუთარი მიზნების მიღწევას. ეს შემაშფოთებელია, რადგან ჩინეთი ამას მხოლოდ კეთილი მიზეზების გამო არ აკეთებს. ისინი ცდილობენ, გააფართოონ თავიანთი გავლენა მთელ რეგიონში და ამას მოჰყვება პოტენციური შედეგები, რომლებიც სულაც არ არის ხელსაყრელი ჩვენი მოკავშირეებისა და პარტნიორებისთვის რეგიონში“, – განაცხადა მარკ მილიმ.
ამერიკელი გენერალი ვიზიტით ინდონეზიაში იმყოფება.
