ფონიჭალაში აფეთქების შედეგად ნანგრევებში 7 ადამიანი, მათ შორის 3 მცირეწლოვანი რჩება – შს მინისტრის ინფორმაციით, შენობის ნგრევის საფრთხე არსებობს
ფონიჭალაში აფეთქების შედეგად საცხოვრებელი კორპუსის ნაწილი ჩამოინგრა – ადგილობრივების ინფორმაციით, ნანგრევებში ბავშვებიც არიან მოყოლილი
Train services on Crimean Bridge suspended after overnight drone attack – media
Zelensky announces measures to help unblock agricultural exports
Russia’s war casualty toll up by 1,970 over past day
Lithuania's military aid to Ukraine will not decrease next year – defense minister
Russian assault troops in Kherson region's island zone readily surrender – press officer
Zelensky believes Trump and Xi could pressure Putin into ending Ukraine war

ფონიჭალაში აფეთქების შედეგად ნანგრევებში 7 ადამიანი, მათ შორის 3 მცირეწლოვანი რჩება – შს მინისტრის ინფორმაციით, შენობის ნგრევის საფრთხე არსებობს

ნახვები: 242 ფონიჭალაში აფეთქების შედეგად ნანგრევებში 7 ადამიანი, მათ შორის 3 მცირეწლოვანი რჩება – შს მინისტრის ინფორმაციით, შენობის ნგრევის საფრთხე არსებობს

 

ფონიჭალაში, საცხოვრებელ კორპუსში მომხდარი აფეთქების შედეგად ნანგრევებში შვიდი ადამიანი რჩება, მათ შორის სამი მცირეწლოვანი ბავშვია. შინაგან საქმეთა მინისტრის, სულხან თამაზაშვილის განცხადებით, შენობის შემდგომი ნგრევის საფრთხე რეალურია, რის გამოც მაშველებს სამუშაოების მიმართულების შეცვლა მოუხდათ.

მინისტრის ინფორმაციით, ნანგრევებიდან ოთხი ადამიანი გამოიყვანეს და სამედიცინო დაწესებულებებში გადაიყვანეს. ერთ-ერთი დაშავებულის მდგომარეობა მძიმეა, თუმცა ოთხივე კონტაქტურია. დაშავებულებს შორის ერთი არასრულწლოვანია, რომელსაც ყურის მიდამოში დაზიანება აქვს.

„გვაქვს უბედური შემთხვევა, ადგილზე მობილიზებულია შინაგან საქმეთა სამინისტროს ყველა შესაბამისი დანაყოფი კომპეტენციის ფარგლებში, ასევე მუნიციპალური სამსახურები. პროაქტიურად მიმდინარეობს სამაშველო ღონისძიებები, 4 პირი გამოყვანილია ნანგრევებიდან და გადაყვანილია სამედიცინო დაწესებულებებში, მათგან ერთის მდგომარეობა, სამწუხაროდ, მძიმეა, თუმცა ყველა კონტაქტურია. ასევე, სამწუხაროდ, ნანგრევებშია 7 პირი, მათ შორის 3 მცირეწლოვანი“, – განაცხადა თამაზაშვილმა.

მისივე თქმით, შემთხვევის ადგილიდან მოსახლეობა ევაკუირებულია. სამაშველო სამუშაოები გრძელდება, თუმცა შენობის კონსტრუქციის დაზიანება დამატებით საფრთხეს ქმნის.

„ნახევარი საათის წინ გადმოიხარა საყრდენი კედელი, შესაბამისად, წინა მხრიდან სამაშველო ღონისძიებების პროცესი შეჩერდა და ბიჭები უკანა მხრიდან მუშაობენ აქტიურად. ნგრევის საფრთხე რეალურად არის“, – აღნიშნა შინაგან საქმეთა მინისტრმა.

თამაზაშვილის განცხადებით, აფეთქების მიზეზი და კერა იდენტიფიცირებულია. მისი ინფორმაციით, შემთხვევა ბუნებრივ აირსა და გამათბობლის ჩართვას უკავშირდება.

„აფეთქების მიზეზი და კერა იდენტიფიცირებულია. ეს არის გაზის შედეგად მომხდარი, გამათბობლის მიზეზის გამო. მოქალაქე მეხუთე სართულზე ცდილობდა გამათბობლის ჩართვას. როგორც ის ამბობს, ღამე ჩავრთეო, შემდეგ გამოვრთე, დილით ვცადე ჩართვა და აფეთქება მოხდაო“, – განაცხადა მინისტრმა.

თვითმხილველების ინფორმაციით, აფეთქების ხმა დაახლოებით 09:00 საათზე გაისმა. აფეთქების შედეგად საცხოვრებელი კორპუსის ნაწილი ჩამოინგრა.

ამ დროისთვის სამაშველო ჯგუფები ნანგრევებში დარჩენილი შვიდი ადამიანის მოსაძებნად მუშაობენ. მათი ჯანმრთელობის მდგომარეობის შესახებ ინფორმაცია ჯერჯერობით არ გავრცელებულა.

ფოტო: IPN

ყველას ნახვა
ყველას ნახვა
ყველას ნახვა