EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

„როიტერი“ - ისრაელის სადაზვერვო სააგენტომ აფეთქებელი მოწყობილობა „ჰეზბოლას” წევრების 5 000 პეიჯერში ჩადო

ნახვები: 457 „როიტერი“ - ისრაელის სადაზვერვო სააგენტომ აფეთქებელი მოწყობილობა „ჰეზბოლას” წევრების 5 000 პეიჯერში ჩადო

ისრაელის სადაზვერვო სააგენტო „მოსადმა“ ასაფეთქებელი მოწყობილობა „ჰეზბოლას” წევრების 5 000 პეიჯერში ჩადო – ამის შესახებ ინფორმაციას „როიტერი“ ლიბანურ წყაროზე დაყრდნობით ავრცელებს.

ლიბანის უსაფრთხოების წყარომ თქვა, რომ პეიჯერები იყო ტაივანში დაფუძნებული Gold Apollo-ს წარმოების, მაგრამ კომპანიის განცხადებაში ნათქვამია, რომ მსგავს მოწყობილობა არ აწარმოებს. განცხადების თანახმად, პეიჯერები დამზადებულია უნგრეთში დაფუძნებული კომპანიის მიერ, სახელწოდებით BAC, რომელსაც აქვს ლიცენზია გამოიყენოს მისი ბრენდი.

„როიტერის“ ცნობით, ოპერაცია რამდენიმე თვის განმავლობაში მზადდებოდა. ლიბანის უსაფრთხოების მაღალჩინოსანმა აღნიშნა, რომ ჯგუფმა Gold Apollo-სგან შეუკვეთა 5 000 პეიჯერი, რომლებიც ქვეყანაში ამ წლის დასაწყისში შეიტანეს. Gold Apollo-ს დამფუძნებელმა ჰსუ ჩინგ-კუანმა განაცხადა, რომ გამოყენებული პეიჯერები დამზადებულია ევროპული კომპანიის მიერ, რომელსაც ჰქონდა ფირმის ბრენდის გამოყენების უფლება.

„ჰეზბოლას“ მებრძოლები იყენებდნენ პეიჯერებს, როგორც დაბალტექნოლოგიურ საკომუნიკაციო საშუალებას, რათა თავიდან აეცილებინათ ისრაელის მხრიდან ადგილმდებარეობის თვალთვალი. ლიბანურმა წყარომ განაცხადა, რომ მოწყობილობები შეცვლილი იქნა ისრაელის სადაზვერვო სამსახურის მიერ „წარმოების დონეზე“.

მედიის ცნობით, „მოსადმა“ მოწყობილობაში ჩასვა დაფა, რომელსაც აქვს ასაფეთქებელი მასალა. იგი იღებს კოდს, რომლის აღმოჩენა ძალიან რთულია. უსაფრთხოების კიდევ ერთმა წყარომ „როიტერს“ განუცხადა, რომ სამ გრამამდე ასაფეთქებელი ნივთიერება იყო დამალული ახალ პეიჯერებში და „ჰეზბოლას“ მიერ თვეების განმავლობაში შეუმჩნეველი იყო. კოორდინირებული აფეთქებების შედეგად, ლიბანში 12 ადამიანი დაიღუპა, 2 800-მდე კი დაშავდა, სულ მცირე 200 პირი კრიტიკულ მდგომარეობაშია.

ყველას ნახვა
ყველას ნახვა
ყველას ნახვა