9 ივლისის საღამოს დონეცკის ოლქში, ქალაქ ჩასოვ იარში რუსებმა 5-სართულიანი სახლი დაბომბეს.
ნანგრევების ქვეშ 30-ზე მეტი ადამიანია, მათ შორის 9 წლის ბავშვი.
დონეცკის ოლქის სამხედრო ადმინისტრაციის ხელმძღვანელის, პაველ კირილენკოს თქმით, ამ დროისთვის ამოიყვანეს 6 დაღუპულის ცხედარი, ასევე, 5 დაჭრილი.
კირილენკოს განცხადებით, მაშველებმა შეძლეს დაკონტაქტებოდნენ 2 ადამიანს, რომლებიც ნანგრევებში რჩებიან.
ოლქის ადმინისტრაციის ხელმძღვანელი ამბობს, რომ საცხოვრებელ სახლს რუსული რაკეტა "ქარიშხალი" ესროლეს.
პარალელურად, დონეცკის სეპარატისტულმა რეჟიმმა განაცხადა ბოლო 24 საათში სროლების შედეგად 3 დაღუპულისა და 11 დაშავებულის შესახებ.
ჩასოვ იარის გარდა, კირილენკომ 9 ივლისს განაცხადა რუსი აგრესორების თავდასხმების შესახებ სხვა ქალაქებში - ქ მარიინკეში, კონსტანტინოვკაში და პერეეზდნოეში, სადაც ასევე დაიღუპა რამდენიმე ადამიანი.
