რუსეთმა ფინეთისთვის გაზის მიწოდება შეწყვიტა
21.05.2022 ნახვები: 631
რუსულმა კომპანია გაზპრომმა 21 მაისის დილის 7 საათიდან ფინეთში გაზის ექსპორტი შეწყვიტა.
გაზპრომის გადაწყვეტილება უკავშირდება იმას, რომ ფინეთმა უარი თქვა რუსეთის სქემაზე, "გაზი რუბლში" ეყიდა. აღნიშნული სქემა გულისხმობს, რომ მყიდველები ფულს გაზპრომის ანგარიშზე გადარიცხავენ, სადაც გაზპრომი მიღებულ თანხას აკონვერტირებს რუბლში და გაზპრომის ანგარიშზე რიცხავს.
ფინეთის სახელმწიფო კომპანია Gasum აცხადებს, რომ აღნიშნული მოთხოვნის გამო საარბიტრაჟო სასამართლოში იჩივლებს.
გაზის დიდ ნაწილს ფინეთი რუსეთიდან იღებს, თუმცა საერთო ენერგომოხმარებაში მისი წილი მხოლოდ 10%-ია.
ამასთან, რუსეთმა უკვე შეუწყვიტა გაზის მიწოდება ბულგარეთსა და პოლონეთს, რომლებმაც ასევე უარი თქვეს პუტინის მიერ შეთავაზებულ სქემაზე.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
