ცენტრალური სადაზვერვო სამმართველო - პუტინს არ სჯერა, რომ ომში წაგება დასაშვებია

რუსეთის პრეზიდენტი ვლადიმერ პუტინი მიიჩნევს, რომ უკრაინასთან სამხედრო კონფლიქტში ძალების გაორმაგება ომში მას გამარჯვებას მოუტანს. შესაბამისი განცხადება  ცენტრალური სადაზვერვო სააგენტოს დირექტორი უილიამ ბერნსმა გააკეთა, იტყობინება Reuters-ი.

„მას არ სჯერა, რომ ომში წაგება დასაშვებია“, - თქვა ბერნსმა და დასძინა, -"ვფიქრობ, ის ახლა დარწმუნებულია, რომ ძალების გაორმაგება მაინც მისცემს მას პროგრესის მიღწევის საშუალებას."

ასევე, ბერნსმა თქვა, რომ ჩინეთი ყურადღებით აკვირდება რუსეთის კონფლიქტს უკრაინაში და ეს გავლენას ახდენს ჩინეთის ლიდერების პოზიციაზე ტაივანთან დაკავშირებით, რომელზეც პეკინი აცხადებს პრეტენზიას.

„ვფიქრობ, ჩინეთის ხელმძღვანელობა ძალიან ყურადღებით აკვირდება ამ ყველაფერს“, - თქვა ბერნსმა.

მას მიაჩნია, რომ არსებული ვითარება არ შეცვლის ჩინეთის ლიდერის სი ძინპინის გრძელვადიან მიზნებს ტაივანთან დაკავშირებით.