„ძალიან მნიშვნელოვანია, პოლიტიკურმა პარტიებმა ისაუბრონ, დააახლოონ პოზიციები და იყოს საუბარი გარკვეულ კომპრომისებზე, რადგან ამის გარეშე ვერ მიიღწევა ის შეთანხმება, რაც კრიზისიდან გამოსასვლელადაა საჭირო," - ამის შესახებ „ახალგაზრდა იურისტთა ასოციაციის" თავმჯდომარ ნიკოლოზ სიმონიშვილმა დღეს, 28 მარტს, არასამთავრობო ორგანიზაციების წარმომადგენლებთან შარლ მიშელის პირად წარმომადგენელის, კრისტიან დანიელსონის შეხვედრის შემდეგ განაცხადა.
მისივე თქმით, დანიელსონს მიწოდეს ინფორმაცია, თუ როგორ შეიძლება იმ რეფორმების განხორციელება, რომელიც ქვეყანას კრიზისიდან გამოიყვანს.
„წარვუდგინეთ ჩვენი მოსაზრებები ბატონ დანიელსონს და მივაწოდეთ ინფორმაცია, როგორ შეიძლება ამ რეფორმების განხორციელება, რომელიც საბოლოოდ პოლიტიკური კრიზისის დასრულებამდე მიგვიყვანს. ძალიან მნიშვნელოვანია, პოლიტიკურმა პარტიებმა ისაუბრონ, დააახლოონ პოზიციები და იყოს საუბარი გარკვეულ კომპრომისებზე, რადგან ამის გარეშე ვერ მიიღწევა ის შეთანხმება, რაც კრიზისიდან გამოსასვლელადაა საჭირო," - განაცხადა ნიკოლოზ სიმონიშვილმა.
