საკარანტინე სასტუმროებისთვის 66,6 მლნ ლარი გამოიყო
22.03.2021 ნახვები: 586
PMCG Research-ის სტატისტიკის მიხედვით 2020 წლის მარტიდან 2021 წლის 19 თებერვლის ჩათვლით, სამთავრობო პროგრამაში ჩართულმა სასტუმროებმა ბიუჯეტიდან 66,6 მლნ ლარი მიიღეს.
გამოქვეყნებული მონაცემების მიხედვით, პროგრამაში სულ 220 სხვადასხვა სასტუმრო იყო ჩართული. ყველაზე დიდი რაოდენობის თანხა დაიხარჯა 2020 წლის აპრილში (9,7 მლნ ლარი), ხოლო ყველაზე ნაკლები - 2021 წლის იანვარში (2,2 მლნ ლარი).
პროგრამაში 2020 წლის მარტიდან 2021 წლის იანვრის ჩათვლით საშუალოდ 94 სასტუმრო იყო ჩართული. ყველაზე დიდი რაოდენობის თანხა დაიხარჯა 2020 წლის აპრილში (9,7 მლნ ლარი), ხოლო ყველაზე ნაკლები - 2021 წლის იანვარში (2,2 მლნ ლარი).
PMCG Research-ის დასკვნით ასევე გამოიკვეთა განთავსების სექტორის გარკვეულ ნაწილი, რომლებსაც სასტუმროების პროგრამამ შეღავათები გაუწია.
პანდემიის პერიოდში მთავრობის მიერ დახარჯული თანხებიდან უდიდესი ნაწილი სწორედ საკარანტინე სასტუმროებზე და ამ ტიპის სახელმწიფო შესყიდვებზე იქნა დახარჯული. გამოცხადდა სულ 847 ტენდერი, აქედან კონტრაქტი 229 მიმწოდებელთან გაფორმდა. უმეტეს შემთხვევაში შემსყიდველი საქართველოს ტურიზმის ეროვნული ადმინისტრაცია და აჭარის ავტონომიური რესპუბლიკის ტურიზმისა და კურორტების დეპარტამენტია.
ტურიზმის ადმინისტრაციის განმარტებით, საკარანტინე მომსახურება სულ 148 904 ადამიანს გაეწია, ხოლო ტურიზმის სექტორმა ამ პროგრამის მეშვეობით 3,644 თანამშრომლის შენარჩუნება შეძლეს.
