EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ევროკომისია: საქართველოში დემოკრატიის მდგომარეობა კვლავ გაუარესდა – ოპოზიციური პარტიების აკრძალვის მცდელობა დემოკრატიის საფუძვლებს საფრთხეს უქმნის

ნახვები: 358 ევროკომისია: საქართველოში დემოკრატიის მდგომარეობა კვლავ გაუარესდა – ოპოზიციური პარტიების აკრძალვის მცდელობა დემოკრატიის საფუძვლებს საფრთხეს უქმნის
საქართველოში დემოკრატიის მდგომარეობა კვლავ გაუარესდა, რაც დემოკრატიული ინსტიტუტების დასუსტებამ, ძალაუფლების კონცენტრაციამ, სამოქალაქო და პოლიტიკური თავისუფლებების შეზღუდვამ, რეპრესიების გაძლიერებამ და ანტიევროპული დეზინფორმაციის გავრცელებამ განაპირობა. ამის შესახებ ევროკომისიის 2026 წლის გაფართოების ანგარიშშია ნათქვამი.

დოკუმენტში განსაკუთრებული ყურადღება ეთმობა საკონსტიტუციო სასამართლოში მიმდინარე პროცესს, რომელიც ძირითადი ოპოზიციური პარტიების აკრძალვას უკავშირდება.

„საკონსტიტუციო სასამართლოში მიმდინარე საქმის ფარგლებში ძირითადი ოპოზიციური პარტიების აკრძალვის მცდელობები საფრთხეს უქმნის ქვეყნის დემოკრატიის საფუძვლებს“, – აღნიშნულია ანგარიშში.

ევროკომისიის შეფასებით, ხელისუფლებას არ განუხორციელებია საარჩევნო სისტემის რეფორმა, მიუხედავად წლების განმავლობაში გაცემული რეკომენდაციებისა.

ანგარიშში კრიტიკულად არის შეფასებული 2025 წლის ოქტომბრის მუნიციპალური არჩევნებიც, რომლებიც, ევროკომისიის თანახმად, „მკვეთრად პოლარიზებულ და რეპრესიულ გარემოში“ ჩატარდა, რამაც მნიშვნელოვნად დააზიანა საარჩევნო პროცესის კონკურენტუნარიანობა და გამჭვირვალობა.

დოკუმენტში პრობლემურ გარემოებებად დასახელებულია მმართველი პარტიის სასარგებლოდ განხორციელებული საკანონმდებლო ცვლილებები, ოპოზიციის დიდი ნაწილის ბოიკოტი, საარჩევნო ადმინისტრაციის მიუკერძოებლობის ნაკლებობა, ამომრჩეველთა დაშინება და ეუთო/ოდირისა და სანდო ადგილობრივი დამკვირვებლების არყოფნა.

ევროკომისია ასევე მიუთითებს საპარლამენტო ზედამხედველობის შესუსტებასა და აღმასრულებელი ხელისუფლების უფლებამოსილებების ზრდაზე.

„პოლიტიკური პოლარიზაცია გაღრმავდა, დემოკრატიული პლურალიზმი კი კიდევ უფრო გაუარესდა. ოპოზიციის ლიდერთა უმრავლესობას ამჟამად ან სისხლისსამართლებრივი ბრალდებები აქვს წაყენებული, ან ემიგრაციაში იმყოფებიან, ან პატიმრობაში“, – ნათქვამია ანგარიშში.

დოკუმენტში დამატებით აღნიშნულია, რომ ქალთა წარმომადგენლობა საჯარო თანამდებობებზე მცირდება.

 
ყველას ნახვა
ყველას ნახვა
ყველას ნახვა