EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ევროკომისია: 2028 წლამდე ევროკავშირთან მოლაპარაკებების გახსნაზე უარის თქმა საქართველოს კონსტიტუციურ პრიორიტეტებს ეწინააღმდეგება

ნახვები: 344 ევროკომისია: 2028 წლამდე ევროკავშირთან მოლაპარაკებების გახსნაზე უარის თქმა საქართველოს კონსტიტუციურ პრიორიტეტებს ეწინააღმდეგება

საქართველოს პრემიერ-მინისტრის 2024 წლის ნოემბრის განცხადება, რომლის მიხედვითაც ხელისუფლება 2028 წლამდე ევროკავშირში გაწევრიანების მოლაპარაკებების გახსნის მიმართულებით არ იმოქმედებს, ქვეყნის კონსტიტუციით განსაზღვრულ პრიორიტეტებს ეწინააღმდეგება. ამის შესახებ ევროკომისიის 2026 წლის გაფართოების ანგარიშშია ნათქვამი, რომლის შეფასებებსაც საქართველოს პირველი არხი ავრცელებს.

დოკუმენტის თანახმად, აღნიშნული გადაწყვეტილება წინააღმდეგობაში მოდის საქართველოს მთავრობის 2025–2028 წლების პროგრამით განსაზღვრულ პრიორიტეტებთანაც.

ევროკომისია ყურადღებას ამახვილებს იმ გარემოებაზე, რომ ხელისუფლების გადაწყვეტილება მკვეთრად განსხვავდება საქართველოს მოქალაქეების მიერ ევროკავშირში გაწევრიანების მიმართ გამოხატული მხარდაჭერისგან.

ანგარიშში ასევე გაკრიტიკებულია ხელისუფლების ანტიევროპული რიტორიკა, მანიპულაციური ნარატივებისა და შეთქმულების თეორიების გავრცელება, რაც, ევროკომისიის შეფასებით, ქვეყნის ევროკავშირში გაწევრიანების გაცხადებულ მიზანს ფუნდამენტურად ეწინააღმდეგება.

ევროკომისიის შეფასება კიდევ ერთხელ გამოკვეთს წინააღმდეგობას საქართველოს კონსტიტუციით განსაზღვრულ ევროპული ინტეგრაციის მიზანსა და ხელისუფლების მიერ არჩეულ პოლიტიკურ კურსს შორის.

ყველას ნახვა
ყველას ნახვა
ყველას ნახვა