EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ევროკომისია: საქართველოს ხელისუფლების ანტიევროპული რიტორიკა და რეფორმების უგულებელყოფა ევროკავშირში გაწევრიანების გაცხადებულ მიზანს ეწინააღმდეგება

ნახვები: 428 ევროკომისია: საქართველოს ხელისუფლების ანტიევროპული რიტორიკა და რეფორმების უგულებელყოფა ევროკავშირში გაწევრიანების გაცხადებულ მიზანს ეწინააღმდეგება
საქართველოს ხელისუფლების სისტემატური ანტიევროპული რიტორიკა, მანიპულაციური ნარატივებისა და შეთქმულების თეორიების გავრცელება, ასევე ევროკავშირთან დაკავშირებული რეფორმების უგულებელყოფა ქვეყნის ევროკავშირში გაწევრიანების გაცხადებულ მიზანს ფუნდამენტურად ეწინააღმდეგება. ამის შესახებ ევროკომისიის 2026 წლის გაფართოების ანგარიშის საქართველოს შესახებ მომზადებულ ნაწილშია ნათქვამი.

დოკუმენტში აღნიშნულია, რომ პრემიერ-მინისტრის 2024 წლის ნოემბრის გადაწყვეტილება, 2028 წლამდე ევროკავშირთან გაწევრიანების მოლაპარაკებების გახსნის საკითხი დღის წესრიგში არ დადგეს, ეწინააღმდეგება როგორც საქართველოს კონსტიტუციით განსაზღვრულ პრიორიტეტებს, ისე მთავრობის 2025–2028 წლების პროგრამას.

„ეს ასევე მკვეთრ კონტრასტშია ევროკავშირში გაწევრიანების მიმართ საქართველოს მოქალაქეების მხარდაჭერასთან“, – ნათქვამია ანგარიშში.

ევროკომისიის შეფასებით, მიუხედავად იმისა, რომ ევროპული ინტეგრაციის საკითხებზე პასუხისმგებელი სახელმწიფო სტრუქტურები ფორმალურად ფუნქციონირებას განაგრძობდნენ, საანგარიშო პერიოდში ევროკავშირსა და საქართველოს შორის მაღალი დონის პოლიტიკური შეხვედრები არ გამართულა.

ანგარიშში ყურადღება გამახვილებულია ქვეყანაში ძალაუფლების კონცენტრაციის ტენდენციაზეც. ევროკომისიის თანახმად, პოლიტიკური ძალაუფლების ცენტრალიზაცია მმართველ პარტიასა და აღმასრულებელ ხელისუფლებაში გაგრძელდა, ხოლო ადგილობრივ დონეზე გადაწყვეტილებების მიღების პროცესზე სახელმწიფო უწყებები პოლიტიკურ, ადმინისტრაციულ და ფინანსურ ზეწოლას ახორციელებდნენ.

ყველას ნახვა
ყველას ნახვა
ყველას ნახვა