EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ტრამპი არჩევნებში რესპუბლიკელების მარცხს აღიარებს და დემოკრატებთან თანამშრომლობისთვის მზადყოფნას გამოთქვამს

ნახვები: 304 ტრამპი არჩევნებში რესპუბლიკელების მარცხს აღიარებს და დემოკრატებთან თანამშრომლობისთვის მზადყოფნას გამოთქვამს
 აშშ-ის პრეზიდენტი დონალდ ტრამპი აცხადებს, რომ მზად არის, აღიაროს შუალედური არჩევნების შედეგები და კონგრესში დემოკრატებთან ითანამშრომლოს. ამის შესახებ მან The New York Times-თან ინტერვიუში განაცხადა, ინფორმაციას Reuters ავრცელებს.

„ჩვენ დემოკრატებთან ვითანამშრომლებთ და მათთან ერთად მუშაობას ველი. სავარაუდოდ, რაღაც გამოსავალს ვიპოვით“, – განაცხადა ტრამპმა.

აშშ-ის პრეზიდენტის თქმით, ის მზად არის, მიიღოს არჩევნების შედეგები, რომლის მიხედვითაც რესპუბლიკელებმა კონგრესში მნიშვნელოვანი დანაკარგები განიცადეს, ხოლო დემოკრატებმა წარმომადგენელთა პალატაზე კონტროლი მოიპოვეს და სენატშიც გაიმარჯვეს.

ამასთან, ტრამპმა რესპუბლიკელების მარცხის ერთ-ერთ მთავარ მიზეზად ის დაასახელა, რომ თავად არჩევნებში არ მონაწილეობდა.

„მე კენჭს არ ვიყრიდი და რადგან კენჭს არ ვიყრიდი, საკმარისი რაოდენობის ამომრჩეველი ვერ მივიყვანეთ არჩევნებზე“, – აღნიშნა მან.

ტრამპმა სოციალურ ქსელ Truth Social-შიც განაცხადა, რომ მისი მონაწილეობით რესპუბლიკელები დამაჯერებელ გამარჯვებას მოიპოვებდნენ.

3 ნოემბრის შუალედური არჩევნების შედეგად კონგრესში ძალთა ბალანსი შეიცვალა. დემოკრატების გამარჯვება პრეზიდენტის ადმინისტრაციას საკანონმდებლო ინიციატივების განხორციელებას გაურთულებს, ხოლო ოპოზიციურ პარტიას აღმასრულებელ ხელისუფლებაზე საპარლამენტო კონტროლის გაძლიერების შესაძლებლობას მისცემს.

კონგრესის ახალი შემადგენლობა მუშაობას 2027 წლის იანვარში დაიწყებს.

Reuters
+2
ყველას ნახვა
ყველას ნახვა
ყველას ნახვა