EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ელენე ხოშტარია: მხარდაჭერა ირაკლი ღარიბაშვილს, რომელიც პოლიტიკური ანგარიშსწორების მსხვერპლია

ნახვები: 422 ელენე ხოშტარია: მხარდაჭერა ირაკლი ღარიბაშვილს, რომელიც პოლიტიკური ანგარიშსწორების მსხვერპლია
პატიმრობაში მყოფი პარტია „დროას“ ლიდერი ელენე ხოშტარია ყოფილი პრემიერ-მინისტრის, ირაკლი ღარიბაშვილის მხარდაჭერისკენ მოუწოდებს საზოგადოებას და აცხადებს, რომ პოლიტიკური ანგარიშსწორება მიუღებელია ნებისმიერი ადამიანის მიმართ, მიუხედავად მისი პოლიტიკური შეხედულებებისა. ამის შესახებ ხოშტარია სოციალურ ქსელში წერს.

მისი შეფასებით, სამართლებრივი პასუხისმგებლობა მხოლოდ სამართლებრივი მექანიზმებით უნდა დადგეს და არა პოლიტიკური მოტივებით ან არაადამიანური მოპყრობით.

„მხარდაჭერა ირაკლი ღარიბაშვილს, რომელიც დღეს პოლიტიკური ანგარიშსწორების მსხვერპლია! მნიშვნელოვანია, აქტიურად დავუჭიროთ მხარი ჩვენს პოლიტიკურ ოპონენტებსა და მტრებსაც კი, რომელთაც სისტემა უსამართლოდ ექცევა“, – აცხადებს ხოშტარია.

მისივე თქმით, საზოგადოებამ უსამართლობის წინააღმდეგ პრინციპული პოზიცია იმ ადამიანების შემთხვევაშიც უნდა დაიკავოს, რომელთა პოლიტიკური საქმიანობა და შეხედულებები მისთვის მიუღებელია.

„ჩვენი ბრძოლა ცივილიზაციური ბრძოლაა. ეს არ არის ბრძოლა ძალაუფლებისთვის. ეს არის ბრძოლა ადამიანზე ორიენტირებული სისტემის შექმნისთვის. ჩვენ, როგორც საზოგადოებას, ყოველთვის გვაქვს მორალური უპირატესობის მოპოვების შესაძლებლობა“, – წერს ხოშტარია.

მისი განცხადებით, შურისძიებასა და ძალადობაზე უარის თქმა სწორედ ის ღირებულებითი განსხვავებაა, რომელიც საზოგადოებამ უნდა შეინარჩუნოს.

„ჩვენ არასდროს დავემსგავსებით მათ. შურისძიებაში და ძალადობაში მათ ვერ და არ შევეჯიბრებით. ჩვენ აუცილებლად მოვუგებთ მათ სიმართლის ძალით!“ – აღნიშნავს ელენე ხოშტარია.

შეარბილე დაუდასტურებელი შეფასება სათაურში
ყველას ნახვა
ყველას ნახვა
ყველას ნახვა