EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ირაკლი ღარიბაშვილი წარდგენილ ბრალდებას არ აღიარებს – მოსამართლემ ყოფილ პრემიერს ხუმრობის გამო შენიშვნა მისცა

ნახვები: 405 ირაკლი ღარიბაშვილი წარდგენილ ბრალდებას არ აღიარებს – მოსამართლემ ყოფილ პრემიერს ხუმრობის გამო შენიშვნა მისცა
ყოფილი პრემიერ-მინისტრი ირაკლი ღარიბაშვილი კორუფციულ დანაშაულთან დაკავშირებით წარდგენილ ბრალდებაში თავს დამნაშავედ არ ცნობს. ამის შესახებ მან თბილისის საქალაქო სასამართლოში საქმის არსებითი განხილვის პირველ სხდომაზე განაცხადა.

მოსამართლე თამარ მჭედლიშვილის კითხვაზე, ცნობდა თუ არა თავს დამნაშავედ, ღარიბაშვილმა მოკლედ უპასუხა: „არა“.

სხდომაზე მოსამართლესა და ყოფილ პრემიერ-მინისტრს შორის მცირე სიტყვიერი დიალოგიც გაიმართა. კითხვაზე, სრულყოფილად ფლობდა თუ არა ქართულ ენას, ღარიბაშვილმა უპასუხა, რომ „ცდილობს“, რის გამოც მოსამართლემ მას შენიშვნა მისცა.

„ხუმრობა არ მეშლება, მაგრამ პროცესზე ჩარჩოებში ჩავჯდეთ“, – მიმართა თამარ მჭედლიშვილმა ღარიბაშვილს.

თბილისის საქალაქო სასამართლოში ყოფილი პრემიერ-მინისტრის საქმის არსებითი განხილვა დაიწყო. პროცესს პირველად ესწრება თავად ბრალდებულიც.

სასამართლო დარბაზში იმყოფებიან ღარიბაშვილის ოჯახის წევრები, მათ შორის მეუღლე ნუნუკა თამაზაშვილი, შვილი, ცოლისძმა ალექსანდრე თამაზაშვილი და ბიძა ზურა გონაშვილი. სხდომას ასევე ესწრება იუსტიციის ყოფილი მინისტრი რატი ბრეგაძე.

პროკურატურა ირაკლი ღარიბაშვილს სახელმწიფო-პოლიტიკური თანამდებობის მქონე პირის მიერ ჯგუფურად, განსაკუთრებით დიდი ოდენობით ქრთამის აღებას ედავება. ბრალი საქართველოს სისხლის სამართლის კოდექსის 338-ე მუხლის მეორე ნაწილის „ა“ და „გ“ ქვეპუნქტებითა და მესამე ნაწილის „ე“ ქვეპუნქტით აქვს წარდგენილი, რაც 11-დან 15 წლამდე თავისუფლების აღკვეთას ითვალისწინებს.

ამასთან, ღარიბაშვილი უკვე მსჯავრდებულია განსაკუთრებით დიდი ოდენობით უკანონო შემოსავლის ლეგალიზაციის საქმეზე. საპროცესო შეთანხმების საფუძველზე მას ხუთი წლით თავისუფლების აღკვეთა და ერთი მილიონი ლარის ოდენობით ჯარიმა შეეფარდა.

ყველას ნახვა
ყველას ნახვა
ყველას ნახვა