გერმანიის ფედერალური სადაზვერვო სამსახურის (BND) ყოფილი ხელმძღვანელი აუგუსტ ჰანინგი ჯაშუშობის ეჭვის საფუძველზე დააკავეს. ინფორმაციას The Guardian-ი ავრცელებს.
ჰანინგი გერმანიის ფედერალურ სადაზვერვო სამსახურს 1998-2005 წლებში ხელმძღვანელობდა. გერმანიის პროკურატურის განცხადებით, მას ბრალად ედება ჯაშუშობა, სახელმწიფო ღალატი და უცხო ქვეყნის სასარგებლოდ ჯაშუშობა.
პროკურატურის ცნობით, ჰანინგი თანამდებობის დატოვებიდან დაახლოებით ხუთი წლის შემდეგ BND-ის ყოფილი თანამშრომლისგან, თანხის სანაცვლოდ, საიდუმლო ინფორმაციას იღებდა, რომლის გამოყენებასაც თავისი საკონსულტაციო საქმიანობის ფარგლებში გეგმავდა.
საქმეში კიდევ ერთი ბრალდებული, მანფრედ დ. ფიგურირებს, რომელსაც სახელმწიფო ღალატისა და ჯაშუშობის ხელშეწყობას ედავებიან.
გამოძიების ინფორმაციით, წლების განმავლობაში მანფრედ დ.-მ ჰანინგს დაახლოებით 2 000 დოკუმენტი გადასცა. პროკურატურის განცხადებით, ერთ-ერთ შემთხვევაში ჰანინგმა მიღებული დოკუმენტები უცხო ქვეყნის სადაზვერვო სამსახურის თანამშრომლისთვის ანალიტიკური მასალის მოსამზადებლად გამოიყენა.
