EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

სერბეთის პრეზიდენტი ალექსანდრ ვუჩიჩი თანამდებობიდან გადადგა, ქვეყანაში ვადამდელი საპრეზიდენტო არჩევნები ჩატარდება

ნახვები: 355 სერბეთის პრეზიდენტი ალექსანდრ ვუჩიჩი თანამდებობიდან გადადგა, ქვეყანაში ვადამდელი საპრეზიდენტო არჩევნები ჩატარდება
 

სერბეთის პრეზიდენტი ალექსანდრ ვუჩიჩი თანამდებობიდან გადადგა და მეორე, ბოლო ხუთწლიანი საპრეზიდენტო ვადა უფლებამოსილების ამოწურვამდე შვიდი თვით ადრე დაასრულა. ინფორმაციას Reuters-ი ავრცელებს.

27 სექტემბერს, გადადგომამდე რამდენიმე წუთით ადრე, ვუჩიჩს ბელგრადის ცენტრში, პრეზიდენტის ადმინისტრაციის შენობის წინ შეკრებილი ასობით მხარდამჭერი ოვაციებით შეხვდა.

„ეს ჩემთვის ამ შენობაში გატარებული ბოლო საღამოა. ერთგულად ვემსახურე თქვენ და ჩემს სამშობლოს, სერბეთს. ვამაყობ იმით, რაც ერთად გავაკეთეთ“, - მიმართა მან მხარდამჭერებს. 

ვუჩიჩის გადადგომა 25 ოქტომბერს დაგეგმილი ვადამდელი საპარლამენტო არჩევნების წინასაარჩევნო კამპანიას ემთხვევა. ეს ნაბიჯი მას პრემიერ-მინისტრის თანამდებობის დაკავების შესაძლებლობას აძლევს იმ შემთხვევაში, თუ მისი „სერბეთის პროგრესული პარტია“ (SNS) ახალ მთავრობას ჩამოაყალიბებს. 

საპარლამენტო არჩევნებში SNS-სა და მის მოკავშირეებს კონკურენციას გაუწევენ სტუდენტების ხელმძღვანელობით მოქმედი ანტიკორუფციული მოძრაობა „სტუდენტები იმარჯვებენ“ (Students Win) და პროდასავლური ოპოზიციური პარტიების ალიანსი „ევროპული სერბეთი“ (European Serbia).

სერბეთის კონსტიტუციის თანახმად, ახალი პრეზიდენტის არჩევამდე სახელმწიფოს მეთაურის მოვალეობას პარლამენტის თავმჯდომარე ანა ბრნაბიჩი შეასრულებს. საპრეზიდენტო არჩევნები 90 დღის ვადაში უნდა დასრულდეს, საარჩევნო კამპანია კი 30-დან 60 დღემდე გაგრძელდება.

ვუჩიჩის განცხადებით, საპრეზიდენტო არჩევნების პირველი ტური დეკემბრის ბოლომდე გაიმართება.

 
ყველას ნახვა
ყველას ნახვა
ყველას ნახვა