EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

სურსათის ეროვნული სააგენტო: თბილისის საბავშვო ბაღებიდან აღებულ სურსათის 129 ნიმუშში დარღვევა არ გამოვლენილა

ნახვები: 400 სურსათის ეროვნული სააგენტო: თბილისის საბავშვო ბაღებიდან აღებულ სურსათის 129 ნიმუშში დარღვევა არ გამოვლენილა

 

თბილისის საჯარო საბავშვო ბაგა-ბაღებიდან აღებული სურსათის 129 ნიმუშის ლაბორატორიული კვლევის შედეგად დარღვევა არ გამოვლენილა. ამის შესახებ ინფორმაციას სურსათის ეროვნული სააგენტო ავრცელებს.

უწყების ცნობით, ნოროვირუსით გამოწვეული გასტროენტერიტის შემთხვევების შემდეგ დაწყებული მოკვლევის ფარგლებში, ლაბორატორიული კვლევისთვის ბაღებიდან აღებულია ხილ-ბოსტნეულის, რძის ნაწარმის, ხორცისა და ხორცპროდუქტების, ასევე მარცვლეულის ნიმუშები.

კვლევა მოიცავს მძიმე მეტალების, ნიტრატების, მიკრობიოლოგიური მაჩვენებლებისა და პათოგენების, მათ შორის სალმონელას, შიგელასა და სხვა მიკროორგანიზმების შემოწმებას.

„ამ დროისთვის გამოკვლეულია საბავშვო ბაღებიდან აღებული ცხოველური და არაცხოველური სურსათის 129 ნიმუში. ლაბორატორიული კვლევის შედეგად, ყველა გამოკვლეული ნიმუში სრულად აკმაყოფილებს დადგენილ სტანდარტებსა და უვნებლობის ნორმებს. დარღვევა არცერთ შემთხვევაში არ გამოვლენილა“, - ნათქვამია სააგენტოს განცხადებაში.

უწყების ინფორმაციით, კომპლექსური მოკვლევის ფარგლებში ინსპექტირების ჯგუფებმა 70-მდე ობიექტი შეამოწმეს, მათ შორის საჯარო ბაგა-ბაღები, ხორცის საწარმო და რძის პროდუქტების საწყობი. ლაბორატორიული კვლევისთვის ჯამში აღებულია სხვადასხვა დასახელების სურსათისა და სასმელი წყლის 694 ნიმუში, რომელთა შედეგებიც ეტაპობრივად გახდება ცნობილი.

შესაბამისად, ამ ეტაპზე გამოქვეყნებული შედეგები მხოლოდ უკვე გამოკვლეულ 129 ნიმუშს ეხება. სურსათის ეროვნული სააგენტო საბავშვო ბაგა-ბაღებში მონიტორინგს განაგრძობს.

ცნობისთვის, 18 სექტემბერს თბილისის საჯარო ბაგა-ბაღების აღსაზრდელები სავარაუდო ინტოქსიკაციის ნიშნებით კლინიკებში გადაიყვანეს. დაავადებათა კონტროლის ეროვნული ცენტრის ინფორმაციით, ლაბორატორიული კვლევები მიუთითებს, რომ გასტროენტერიტის შემთხვევათა ძირითადი უმრავლესობის გამომწვევი მაღალი ალბათობით ნოროვირუსი იყო.

აღსაზრდელთა სავარაუდო ინტოქსიკაციის ფაქტზე გამოძიებაც მიმდინარეობს.

ყველას ნახვა
ყველას ნახვა
ყველას ნახვა