უკრაინის პრეზიდენტი ვოლოდიმირ ზელენსკი მიესალმება „დიდი ოცეულის“ სამიტის ფარგლებში აშშ-ის, უკრაინისა და რუსეთის ლიდერების სამმხრივი შეხვედრის იდეას. მისი განცხადებით, ასეთი ფორმატი მოლაპარაკებებზე რეალური შედეგის მიღწევის შესაძლებლობას ქმნის.
„მიმაჩნია, რომ „დიდ ოცეულთან“ დაკავშირებით ეს ამერიკული მხარის, პრეზიდენტ ტრამპის მიერ შემოთავაზებული ერთ-ერთი საუკეთესო შესაძლებლობაა. ვფიქრობ, ეს პოტენციური შესაძლებლობაა რეალური შედეგების მისაღწევად სამმხრივი შეხვედრის ჩასატარებლად“, - განაცხადა ზელენსკიმ.
უკრაინის პრეზიდენტის თქმით, „დიდი ოცეულის“ სამიტზე ევროპულ ქვეყნებთან ერთად ჩინეთი, ინდოეთი და ახლო აღმოსავლეთის ქვეყნები არიან წარმოდგენილი, რაც მოლაპარაკებებისთვის შესაბამის გარემოს ქმნის.
„ჩემი აზრით, ეს ისეთი ატმოსფეროა, სადაც შედეგის მიღწევა შესაძლებელია. თუ ასეთი ფორმატი და შესაბამისი შეთანხმება მიღწეული იქნება, მაშინ, რა თქმა უნდა, უკრაინა ამას მხარს დაუჭერს“, - აღნიშნა ზელენსკიმ.
მანამდე აშშ-ის სახელმწიფო მდივანმა მარკო რუბიომ განაცხადა, რომ შეერთებულმა შტატებმა რუსეთის პრეზიდენტი ვლადიმირ პუტინი მაიამიში დაგეგმილ „დიდი ოცეულის“ სამიტზე მიიწვია.
