თბილისში ბოლო პერიოდში გახშირებული გასტროენტერიტის შემთხვევები ნოროვირუსით არის გამოწვეული. ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრი (NCDC) ჩატარებული კვლევების შედეგებზე დაყრდნობით აცხადებს.
ცენტრის ინფორმაციით, ბავშვების უმრავლესობა, რომლებსაც ბოლო დღეებში ნოროვირუსი დაუდასტურდათ, უკვე გამოჯანმრთელდა და სამედიცინო დაწესებულებები დატოვა. NCDC-ის ცნობით, შემთხვევები გართულებების გარეშე მიმდინარეობდა და ამ ეტაპზე გართულების რისკი არ იკვეთება. ეპიდემიოლოგიური მეთვალყურეობა გრძელდება.
დაავადების შემდგომი გავრცელების შესაკავებლად ცენტრი მოქალაქეებს ხელების ჰიგიენის დაცვას ურჩევს, განსაკუთრებით საკვების მიღებამდე და ტუალეტით სარგებლობის შემდეგ. რეკომენდაცია განსაკუთრებით მნიშვნელოვანია მათთვის, ვისი ოჯახის წევრებს ან ახლო კონტაქტებსაც ნოროვირუსი ჰქონდათ.
NCDC-ის განმარტებით, ნოროვირუსის მკურნალობისას მნიშვნელოვანია ორგანიზმში დაკარგული სითხის აღდგენა და კვების რეჟიმის დაცვა. ცენტრის რეკომენდაციით, მინიმუმ 3-4 დღის განმავლობაში რაციონიდან უნდა გამოირიცხოს რძის პროდუქტები, ცხიმიანი, შემწვარი და ცხარე საკვები.
„დიარეისა და ღებინების საწინააღმდეგო მედიკამენტების მიღება უნდამოხდესუნდა მოხდეს მხოლოდ ექიმის დანიშნულებით“, - აღნიშნულია დაავადებათა კონტროლის ეროვნული ცენტრის განცხადებაში.
