EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

იტალია სკოლებში ბურქისა და ნიქაბის აკრძალვას და კლასებში უცხოელი მოსწავლეების რაოდენობის შეზღუდვას გეგმავს

ნახვები: 332 იტალია სკოლებში ბურქისა და ნიქაბის აკრძალვას და კლასებში უცხოელი მოსწავლეების რაოდენობის შეზღუდვას გეგმავს

 

იტალიის მთავრობა სკოლებში სახის დამფარავი სამოსის, მათ შორის ბურქისა და ნიქაბის, ტარების აკრძალვას და თითოეულ კლასში უცხოელი მოსწავლეების მაქსიმალური რაოდენობის განსაზღვრას გეგმავს. ამის შესახებ პრემიერ-მინისტრმა ჯორჯია მელონიმ თავისი პარტიის, „იტალიის ძმების“, ახალგაზრდული ფრთის ყოველწლიურ შეკრებაზე განაცხადა.

მელონის თქმით, შესაბამისი ინიციატივა მინისტრთა კაბინეტს უახლოეს პერიოდში წარედგინება. ის ასევე ითვალისწინებს იტალიური ენის შესწავლის ვალდებულებას იმ უცხოელი მოსწავლეების მშობლებისთვის, რომელთა შვილებსაც სასკოლო სისტემაში ინტეგრაციის სერიოზული სირთულეები აქვთ.

„მალე მინისტრთა კაბინეტს წარედგინება ზომა, რომელიც კანონით განსაზღვრავს კლასში უცხოელი მოსწავლეების მაქსიმალურ რაოდენობას. ის ასევე მოითხოვს, რომ იმ უცხოელი მოსწავლეების მშობლებმა, რომლებსაც სასკოლო სისტემაში ინტეგრაციის სერიოზული სირთულეები აქვთ, იტალიური ენა ისწავლონ და კრძალავს სკოლებში ბურქასა და ნიქაბს“, - განაცხადა მელონიმ.

The Telegraph

პრემიერ-მინისტრის განმარტებით, როდესაც კლასში მხოლოდ ერთი მოსწავლეა, რომელმაც იტალიური არ იცის, მას ენის შესწავლასა და ინტეგრაციაში თანაკლასელები და მასწავლებლები დაეხმარებიან. თუმცა, მისი შეფასებით, თუ ასეთი მოსწავლეები კლასის დიდ ნაწილს ან უმრავლესობას შეადგენენ, ეს ინტეგრაციის პროცესს ართულებს.

მელონიმ სკოლებში სახის დამფარავი სამოსის აკრძალვის ინიციატივაზეც ისაუბრა. „სკოლაში სახის დაუფარავად უნდა იაროთ. იტალიაში ვერავინ გადაწყვეტს, რაიმე რეალური თუ სავარაუდო ტრადიციის სახელით, რომ ახალგაზრდა ქალმა საკუთარი თავი უნდა დამალოს“, - განაცხადა მან.

პრემიერ-მინისტრს არ დაუკონკრეტებია, რამდენი იქნება თითოეულ კლასში უცხოელი მოსწავლეების დასაშვები მაქსიმალური რაოდენობა. კვლევითი ორგანიზაცია Fondazione ISMU-ს მონაცემებით, იტალიის სკოლებში ჩარიცხული მოსწავლეების 11,6% იტალიის მოქალაქე არ არის.

 

ყველას ნახვა
ყველას ნახვა
ყველას ნახვა