EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

12 წლის წინ გაუჩინარებული გურამ დადიანიძის დედა: „ვითხოვ ჩემი შვილის პოვნას — ივანიშვილის კარამდეც რომ დამჭირდეს მისვლა, იქაც მივალ“

ნახვები: 344 12 წლის წინ გაუჩინარებული გურამ დადიანიძის დედა: „ვითხოვ ჩემი შვილის პოვნას — ივანიშვილის კარამდეც რომ დამჭირდეს მისვლა, იქაც მივალ“

 

2014 წელს დუშეთის მუნიციპალიტეტში გაუჩინარებული 17 წლის გურამ დადიანიძის დედა, სოფო ბიბილაშვილი, შვილის პოვნასა და საქმის სრულყოფილ გამოძიებას ითხოვს. მისი განცხადებით, თუ გამოძიება სათანადოდ არ წარიმართება, პროტესტს ქუჩაში გამოხატავს.

„ველოდები გამოძიებას, რომ ეს საქმე ბოლომდე მიიყვანოს, მაგრამ იმასაც აღვნიშნავ, რომ თუ გამოძიება სწორი მიმართულებით არ წავა, მომიწევს ქუჩაში გამოსვლა ხალხთან ერთად. ვითხოვ ჩემი შვილის პოვნას. ივანიშვილის კარამდეც რომ დამჭირდეს მისვლა, იქაც მივალ, არ დავტოვებ ამ საქმეს გაუხსნელს“, — განაცხადა ბიბილაშვილმა „ტვ პირველთან“.

ოჯახის ადვოკატის, ტარიელ კაკაბაძის განცხადებით, საქმეში გამოიკვეთა რამდენიმე პირი, რომლებიც, მისი თქმით, აქამდე საგამოძიებო ორგანოს არ გამოუკითხავს. ადვოკატი აცხადებს, რომ ამ პირების მიერ მიწოდებული ინფორმაცია ურთიერთგამომრიცხავია და გამოძიებას ინტენსიური მუშაობისკენ მოუწოდებს.

„12 წელია მიმდინარეობს მოქმედებები ამ საქმესთან დაკავშირებით, სამი წლის დაგვიანებით, კონკრეტული ფაქტიდან დაიწყო გამოძიება და ეს პირები ერთხელაც არ იყვნენ საგამოძიებო ორგანოში დაბარებული. ამ პირთა მიერ მოწოდებული ინფორმაციები ცალსახად ეწინააღმდეგება და გამორიცხავს ერთმანეთს“, — ამბობს კაკაბაძე.

ადვოკატის თქმით, აუცილებელია დადგინდეს, რატომ მიაწოდეს აღნიშნულმა პირებმა გამოძიებას ერთმანეთისგან განსხვავებული ინფორმაცია და რა ვითარებაში გაუჩინარდა არასრულწლოვანი.

გურამ დადიანიძე 2014 წელს, ლომისობის დღესასწაულზე, დუშეთის მუნიციპალიტეტის სოფელ ქვემო მლეთაში ექსკურსიაზე ყოფნისას გაუჩინარდა. მისი ადგილსამყოფელი დღემდე უცნობია.

ყველას ნახვა
ყველას ნახვა
ყველას ნახვა