EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

საგარეო უწყება: ოკუპირებულ ცხინვალში ე.წ. საპრეზიდენტო არჩევნები უკანონოა და ვერ წარმოშობს საერთაშორისო-სამართლებრივ შედეგს

ნახვები: 351 საგარეო უწყება: ოკუპირებულ ცხინვალში ე.წ. საპრეზიდენტო არჩევნები უკანონოა და ვერ წარმოშობს საერთაშორისო-სამართლებრივ შედეგს

 

საქართველოს საგარეო საქმეთა სამინისტრო გმობს რუსეთის მიერ ოკუპირებულ ცხინვალის რეგიონში 18 სექტემბერს ჩატარებულ ე.წ. საპრეზიდენტო არჩევნებს და აცხადებს, რომ მას არანაირი საერთაშორისო-სამართლებრივი შედეგი არ შეიძლება მოჰყვეს. (Ministry of Foreign Affairs of Georgia)

უწყების განცხადებით, ე.წ. არჩევნები ეწინააღმდეგება საერთაშორისო სამართლის ფუნდამენტურ ნორმებსა და პრინციპებს და ვერ შეცვლის ცხინვალის რეგიონის, როგორც საქართველოს განუყოფელი ნაწილის, საერთაშორისო-სამართლებრივ სტატუსს.

„საქართველოს ოკუპირებულ ტერიტორიებზე ნებისმიერი ე.წ. არჩევნების ჩატარება რუსეთის ფედერაციის სამხედრო ოკუპაციისა და ეფექტური კონტროლის პირობებში [...] უკანონოა და ვერ წარმოშობს რაიმე საერთაშორისო-სამართლებრივ შედეგს“, — ნათქვამია განცხადებაში. (Ministry of Foreign Affairs of Georgia)

საგარეო საქმეთა სამინისტრო ასევე კატეგორიულად გმობს რუსეთის გადაწყვეტილებას, 18-20 სექტემბერს ოკუპირებულ აფხაზეთსა და ცხინვალის რეგიონში რუსეთის სახელმწიფო სათათბიროს არჩევნები ჩაატაროს.

უწყების შეფასებით, საქართველოს მთავრობის თანხმობის გარეშე ქვეყნის სუვერენულ ტერიტორიაზე რუსეთის საარჩევნო უბნების გახსნა საქართველოს სუვერენიტეტისა და ტერიტორიული მთლიანობის „მორიგი უხეში დარღვევა“ და რუსეთის მიერ საქართველოს რეგიონების ფაქტობრივი ანექსიისკენ მიმართული პოლიტიკის კიდევ ერთი გამოვლინებაა. (Ministry of Foreign Affairs of Georgia)

საგარეო საქმეთა სამინისტრო საერთაშორისო თანამეგობრობას მოუწოდებს, დაგმოს რუსეთის ქმედებები და მოახდინოს შესაბამისი საერთაშორისო-სამართლებრივი და პოლიტიკური რეაგირება. უწყება ასევე მოუწოდებს პარტნიორებს, მტკიცედ დაუჭირონ მხარი საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში.

ყველას ნახვა
ყველას ნახვა
ყველას ნახვა