EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

კობახიძე „ნამახვანჰესზე“: იყო პირდაპირი საბოტაჟი — შესაძლოა, იმპორტიორ კომპანიებსაც ჰქონოდათ პროტესტის დაფინანსების ინტერესი

ნახვები: 467 კობახიძე „ნამახვანჰესზე“: იყო პირდაპირი საბოტაჟი — შესაძლოა, იმპორტიორ კომპანიებსაც ჰქონოდათ პროტესტის დაფინანსების ინტერესი

პრემიერ-მინისტრი ირაკლი კობახიძე „ნამახვანჰესის“ პროექტის შეჩერებას „პირდაპირ საბოტაჟს“ უწოდებს და აცხადებს, რომ პროტესტში უცხოური წყაროებიდან დაფინანსებული არასამთავრობო ორგანიზაციები მონაწილეობდნენ.

კობახიძე ვაშინგტონის ფედერალური სასამართლოს გადაწყვეტილებას გამოეხმაურა, რომლითაც ENKA Renewables-ის სასარგებლოდ გამოტანილი საარბიტრაჟო გადაწყვეტილება აღსრულებაში იქნა ცნობილი.

„იყო პირდაპირი საბოტაჟი, ეწყობოდა აქციები ყოველგვარი საფუძვლის გარეშე, რასაც შემდეგ მოჰყვა გადაწყვეტილების მიღება ჰესის არაშენებასთან დაკავშირებით. კონტექსტს შეგახსენებთ, მაშინ უცხოური აგენტურა იყო ბევრად უფრო ძლიერი, ხოლო სახელმწიფო ბევრად უფრო სუსტი“, — განაცხადა კობახიძემ.

პრემიერის მტკიცებით, საპროტესტო პროცესში ჩართული NGO-ების უკან ის ძალები იდგნენ, რომლებსაც ხელისუფლება „დიფ სთეითსა“ და „გლობალური ომის პარტიას“ უწოდებს. ამასთან, მან გამოთქვა ვარაუდი, რომ კამპანიის დაფინანსებით დაინტერესებული შესაძლოა იმპორტიორი კომპანიებიც ყოფილიყვნენ.

„შესაძლოა, იმპორტიორ კომპანიებსაც ჰქონოდათ ინტერესი, დაეფინანსებინათ ასეთი საბოტაჟის კამპანია“, — განაცხადა კობახიძემ. მას ამ ვარაუდის დამადასტურებელი კონკრეტული კომპანიები ან მტკიცებულებები არ დაუსახელებია.

პრემიერის თქმით, დღეს ვითარება შეცვლილია და მსგავსი პროცესის განმეორება შეუძლებელი იქნება. მან აღნიშნა, რომ ხელისუფლება სამი დიდი ჰესის, ასევე საშუალო და მცირე ჰესების, ქარისა და მზის ელექტროსადგურების მშენებლობას გეგმავს.

კობახიძის განცხადებით, მთავრობა შეეცდება „ნამახვანჰესის“ პროექტთან დაკავშირებით ალტერნატიული გზებიც მოძებნოს, მათ შორის შესაბამის ინვესტორთან კონსულტაციების საფუძველზე.

ყველას ნახვა
ყველას ნახვა
ყველას ნახვა