EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

გრიგოლ ლილუაშვილს 13 წლით პატიმრობა მიესაჯა — სასამართლომ სუს-ის ყოფილი უფროსი ოთხივე ეპიზოდში დამნაშავედ ცნო

ნახვები: 344 გრიგოლ ლილუაშვილს 13 წლით პატიმრობა მიესაჯა — სასამართლომ სუს-ის ყოფილი უფროსი ოთხივე ეპიზოდში დამნაშავედ ცნო

 

თბილისის საქალაქო სასამართლომ სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი კორუფციულ დანაშაულში დამნაშავედ ცნო და 13 წლით თავისუფლების აღკვეთა მიუსაჯა. განაჩენი მოსამართლე ნინო თარაშვილმა გამოაცხადა.

სასამართლომ ლილუაშვილი დამნაშავედ ცნო ბრალდების ოთხივე ეპიზოდში — თბილისის საბავშვო ბაგა-ბაღების მართვის სააგენტოსთან დაკავშირებულ საქმეში, თაღლითური „ქოლცენტრების“ მფარველობასა და ეკონომიკის მინისტრის ყოფილი მოადგილის, რომეო მიქაუტაძის მეშვეობით ქრთამის აღების ორ ეპიზოდში.

პროკურატურის ვერსიით, ლილუაშვილი მფარველობდა ბაგა-ბაღების მართვის სააგენტოში მოქმედ კორუფციულ სქემას, რომლის ფარგლებშიც სხვადასხვა შესყიდვიდან ე.წ. „ატკატებს“ იღებდნენ. ბრალდების თანახმად, თანხის ნაწილს სააგენტოს მაშინდელი ხელმძღვანელი კახაბერ გვანცელაძე ლილუაშვილს გადასცემდა.

საქმის კიდევ ერთი ეპიზოდი თაღლითურ „ქოლცენტრებს“ ეხება. პროკურატურა ამტკიცებდა, რომ ლილუაშვილი მათ საქმიანობას თავისი ახლო გარემოცვის წარმომადგენლების მეშვეობით მფარველობდა და სანაცვლოდ ფინანსურ სარგებელს იღებდა.

სუს-ის ყოფილი უფროსი ბრალდებებს არ აღიარებს. მან განაჩენის გამოცხადებამდე სასამართლოში საბოლოო სიტყვის უფლებით ისარგებლა. ლილუაშვილის წინააღმდეგ ჩვენება, სხვა მოწმეებთან ერთად, ეკონომიკის მინისტრის ყოფილ მოადგილეს, რომეო მიქაუტაძესაც აქვს მიცემული.

გრიგოლ ლილუაშვილი 2025 წლის 23 დეკემბერს დააკავეს. მას განსაკუთრებით დიდი ოდენობით ქრთამის ჯგუფურად აღებას ედავებოდნენ, რისთვისაც სისხლის სამართლის კოდექსი 11-დან 15 წლამდე თავისუფლების აღკვეთას ითვალისწინებს.

ყველას ნახვა
ყველას ნახვა
ყველას ნახვა