EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ღარიბაშვილი ხელისუფლებას: „ზურგში დანა თქვენ ჩამარტყით — ეს სამართლებრივი პროცესი კი არა, პოლიტიკური დევნაა“

ნახვები: 445 ღარიბაშვილი ხელისუფლებას: „ზურგში დანა თქვენ ჩამარტყით — ეს სამართლებრივი პროცესი კი არა, პოლიტიკური დევნაა“

საქართველოს ყოფილი პრემიერ-მინისტრი ირაკლი ღარიბაშვილი რუსთავის საპატიმროდან მორიგ წერილს ავრცელებს და ხელისუფლებას მის წინააღმდეგ „ბინძური პოლიტიკური თამაშის“ წარმოებაში ადანაშაულებს.

ღარიბაშვილი ლაზარე ჯორბენაძის გარდაცვალების საქმეზე მისი წინა წერილის შემდეგ დაწყებულ გამოკითხვებს „არასერიოზულს“ უწოდებს და აცხადებს, რომ ხელისუფლება ცდილობს, ის „ნაციონალურ მოძრაობასთან“ დააკავშიროს და მიმდინარე პროცესი ოპოზიციასთან კოორდინირებულ მოქმედებად წარმოაჩინოს.

„ტყუილად ნუ წვალობთ! როგორც წყალი და ზეთი არ შეერევა ერთმანეთს, ისევე შეუძლებელია ჩემი და „ნაციონალური მოძრაობის“ ერთმანეთთან დაკავშირება!“ — წერს ყოფილი პრემიერი.

ღარიბაშვილი ირონიით ეხმაურება მის შესახებ გავრცელებულ ბრალდებებსაც, თითქოს ის „დიფ-სტეიტის“ და საფრანგეთის აგენტია.

„გამიმართლა, რომ სხვა უცხო ენები არ ვიცი, თორემ, ალბათ, სხვა ქვეყნების „აგენტადაც“ გამომაცხადებდნენ“, — აღნიშნავს ის.

ყოფილი პრემიერის განცხადებით, ლაზარე ჯორბენაძის თვითმკვლელობამდე მიყვანის საქმეზე გამოძიება თითქმის ხუთი თვეა მიმდინარეობს, თუმცა ადამიანები და ჟურნალისტები, რომლებიც ამ საკითხზე საჯაროდ კითხვებს სვამდნენ, მანამდე არ გამოუკითხავთ. მისი თქმით, ვითარება მხოლოდ მისი წერილის გამოქვეყნების შემდეგ შეიცვალა.

ღარიბაშვილი ასევე პასუხობს პარლამენტის თავმჯდომარე შალვა პაპუაშვილს და აცხადებს: „შალვა, ეს არ არის სამართლებრივი პროცესი — ეს არის დაუნდობელი პოლიტიკური დევნა!“

ამასთან, ყოფილი პრემიერი კვლავ ამტკიცებს, რომ ყოფილ თანაგუნდელებთან ბრძოლას არ აპირებს და მხოლოდ საკუთარი თავისა და ოჯახის დაცვას ცდილობს.

„მე არავის ვებრძვი — ზურგში დანა თქვენ ჩამარტყით… ახლა კი მე იძულებული ვარ დავიცვა ჩემი თავი და ჩემი ოჯახი ამ უსამართლობისა და სისასტიკისგან“, — წერს ირაკლი ღარიბაშვილი.

ყველას ნახვა
ყველას ნახვა
ყველას ნახვა