EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

გვარამია: „40 მილიონი“ შეთხზული ტყუილია — ენმ და „გირჩი“ ჩვენს წინააღმდეგ კოორდინირებულ კამპანიას აწარმოებენ

ნახვები: 393 გვარამია: „40 მილიონი“ შეთხზული ტყუილია — ენმ და „გირჩი“ ჩვენს წინააღმდეგ კოორდინირებულ კამპანიას აწარმოებენ

 

„კოალიცია ცვლილებისთვის“ ერთ-ერთი ლიდერი ნიკა გვარამია აცხადებს, რომ მისი კოალიციის წინააღმდეგ გავრცელებული ინფორმაცია ნიკა გილაურისგან 40 მილიონიანი დაფინანსების შესახებ „შეთხზული ტყუილი და წარმოუდგენელი აბსურდია“.

გვარამიას თქმით, კოალიციამ არჩევნებზე დაახლოებით 10 მილიონი ლარი დახარჯა, ხოლო გილაური მის დამფინანსებლებს შორის ერთ-ერთი იყო და არა ერთადერთი. მისი განცხადებით, გილაურთან პოლიტიკური თანამშრომლობა ღია იყო და ამის შესახებ საზოგადოებას წინასწარ ჰქონდა ინფორმაცია.

„40 მილიონი ნებისმიერ ვალუტაში, გინდაც 20 და გინდაც 10, აბსოლუტური სისულელე და ტყუილია. ჩვენ დავხარჯეთ 10 მილიონი ლარი, ეს არ დაგვიმალავს და დამფინანსებლებში გილაური იყო მხოლოდ ერთ-ერთი და ნამდვილად არა ერთადერთი“, — წერს გვარამია.

მისივე მტკიცებით, თავდაპირველად ნიკა გილაურის პოლიტიკურ პროცესში ჩართვას მიხეილ სააკაშვილიც უჭერდა მხარს და მასთან საკუთარი გარემოცვის წარმომადგენლებს აგზავნიდა. გვარამია ასევე ამტკიცებს, რომ „ნაციონალური მოძრაობა“ გილაურს მათ ნაცვლად საკუთარი პარტიის დაფინანსებასა და პრემიერ-მინისტრობის კანდიდატობას სთავაზობდა.

გვარამია აცხადებს, რომ საბოლოოდ გილაურმა თანამშრომლობა „კოალიცია ცვლილებისთვის“ აირჩია, თუმცა უარყოფს, რომ კოალიციის არჩევნებში მონაწილეობა მხოლოდ მის დაფინანსებაზე იყო დამოკიდებული.

ამასთან, გვარამია „გირჩსა“ და „ნაციონალურ მოძრაობას“ მისი კოალიციის წინააღმდეგ კოორდინირებულ კამპანიაში ადანაშაულებს. მისი თქმით, ამ კამპანიაში მიხეილ სააკაშვილიც აქტიურად ჩაერთო, მიუხედავად იმისა, რომ მან „გილაურის ამბავიც“ და 40 მილიონთან დაკავშირებული ინფორმაციის მცდარობაც იცის.

„ჩვენ წინააღმდეგ კამპანია ქოცგირჩსა და ენმ-ს შორის კოორდინირებული რომაა, მე პირადად ეჭვი არ მეპარება“, — წერს გვარამია.

მისი შეფასებით, „ნაციონალური მოძრაობისა“ და სააკაშვილის მოქმედებები საბოლოოდ მხოლოდ ბიძინა ივანიშვილის ინტერესებს ემსახურება.

„ფაქტი ისაა, რომ ენმ-მაც და სააკაშვილმაც შესანიშნავად იციან, რომ ამორალურად იქცევიან და ტყუილებს ავრცელებენ. იციან და მაინც აკეთებენ ამას“, — აცხადებს გვარამია.

გვარამია წერს, რომ ამ საკითხებზე აქამდე დუმდა, თუმცა ახლა საუბარი საკუთარი თანაგუნდელებისა და ოჯახის წინააღმდეგ გავრცელებული ბრალდებების გამო გადაწყვიტა და დასძენს: „ზუსტად ვიცი, პატიებას არ ვაპირებ. არავისთვის“.

ყველას ნახვა
ყველას ნახვა
ყველას ნახვა